Matius 16:13 - Muna Southern Dialect

¹³ Nohato kaowu we kadieno Kaisarea Filipi, Yesus nofeenamo ne anaguhuꞌino ambano, “Ambado mie, laꞌae gahaꞌa Anano Manusia - Idi ini?”

Matius 16:13 Iomraidhean Croise

Matius 12:32

Ane o mie nopahampugau noewangi Anano Manusia natiꞌamponi; tamaka ane dopahampugau doewangi Rohino Lahataꞌala pae natiꞌamponia, naetaa te dhunia ini, naetaa we suliꞌa.”

Matius 12:40

Kapaꞌamo peda anabii Yunus neate weo handano kenta bhalano tolu oleo tolu alo, nadamo dua aitu Anano Manusia naeate we lalono wite tolu oleo tolu alo.

Matius 12:8

Anano Manusia - Idimo ini - nokokuasa dua namotantu atorano oleono Sabat.”

Matius 13:37

Notobhoosidamo ambano, “Mie meꞌewino wine metaa, maꞌanano Anano Manusia - Idimo ini.

Matius 13:41

Anano Manusia natumudu malaꞌekatino damoꞌonu sabhaha mie mekakodhosano manusia bhaindo bhe mie humabu modaino weo Kafopahintaꞌano.

Matius 15:21

Pada peda naꞌa Yesus nokalamo, nogampi we kadieno Tirus bhe Sidon.

Matius 16:27

Kapaꞌamo namada kaowu Anano Manusia namai weo kakalabhiano Amano dapoangkaꞌaane malaꞌekatino. Wakutuu anaꞌa namaꞌandamo ⸤ kabarakati tawa kahukumu⸥ ne manusia seemie-seemie naposahataa bhe habuno.

Matius 16:28

Amohatokoomu, kotu-kotuꞌu ne olotando mie meehe-eheno aitu nandoo so pataꞌo mateno, ane pae daoha kadeki Anano Manusia namai naembali Omputo weo Kafopahintaꞌano.”

Matius 25:31

“Ane namai kaowu Anano Manusia weo kakalabhiano napoowa-owa bhe kosasawindo malaꞌekatino, maka naengkoha-ngkoha te kaengkohaꞌano kumalabhiano.

Matius 8:20

Yesus notobhoosimo ambano, “Daꞌu ngkahoku bhe liano, kaꞌuhi lumola bhe kaufeno, tamaka Anano Manusia - Idimo ini - miina sepaliꞌa bhe katifekalaaꞌiꞌano towuno.”

Matius 9:6

Amotiwohaangkoomu Anano Manusia - Idimo ini - nokokuasa neꞌamponi dhosa te dhunia ini.” Maka nopugau ne kalu naꞌa, “Wanuꞌo toha, sangke kaodoꞌamu itu maka suli se lambumu.”

Markus 10:45

Kapaꞌamo wutono Anano Manusia - Idimo ini - nomai pae naefeꞌondofaoa, tamaka nafoꞌondofao bhe nafowaꞌao inawano so katolosindo mie bhahi.”

Markus 8:38

Ane doambano doangkafi kanau bhahaꞌi doambano doangkafi kafoinaꞌuku ne olotando mie modai bhe mie kodhosa dhamani aini, Anano Manusia - Idimo ini - naoambanoane dua mie aitu ane namai weo kakalabhiano Amano, dalumibu-libue malaꞌekati mongkilono.”

Yohanes 1:51

Pada aitu Yesus nopugaumo dua ambano, “Amohatoko, kotu-kotuꞌu omoha lani namoengka bhe malaꞌekatino Lahataꞌala damoni sumampu ne Anano Manusia.”

Yohanes 12:34

Dotobhoosimo mie bhahi ambado, “Padamo tafetingke maiꞌao ne Kitabi, ingka Mesias Omputo Fosalamatino nadumadi ampa suhue dhamani. Noafaꞌao dua pugau Anano Manusia dasumangkee te melangkeꞌano? Laꞌae bhahaa Anano Manusia maitu?”

Yohanes 3:14

Tapedamo anabii Musa nefopika ule tambaga ne sau maka nosangkee nofekalangkee we pandaso bhalano, nadamo dua anaꞌa Anano Manusia tetewei dasumangkee damekalangkee,

Yohanes 5:27

Pedamo dua anaꞌa padamo nowaꞌane kuasa so nafobhotusiꞌao, hampano Anoa Anano Manusia.

Tula-tulando rasulu 10:38

Pandeꞌaanemoomu dua Lahataꞌala nopili Yesus miendo Nasaret maitu maka nowaꞌane Rohino bhe kuasa. Anoa nolili nehabu metaaꞌano, nefekaꞌosa sabhaha mie nekuasaino Kafeompuꞌando seetani, mbaꞌinomo Lahataꞌala nopobhaiane.

Tula-tulando rasulu 7:56

Nopugaumo Stefanus ambano, “Soba ondoomu, awoha lani notilengka bhe Anano Manusia neehe-ehe ne sohihino Lahataꞌala.”