Matius 14:3 - Muna Southern Dialect

³ Kapaꞌamo Herodes padamo nofotudu dohako Yohanes, dokatapue maka dotohongkue. Katitohongkuꞌano mbaꞌinomo parakarano Herodias, mieno lambuno Filipus, nealano Herodes. Gahaꞌaitumo Filipus ini dosibhahitie bhe Herodes.

Matius 14:3 Iomraidhean Croise

Matius 11:2

Weo katohongku Yohanes nofetingke dua nehabuno Kristus.

Matius 14:6

Seꞌoleo kolaki Herodes nehabu hame-hame nofeꞌulai oleo kalenteꞌano. Ne hame anaꞌa kalambeno Herodias nolinda ne wisendo humatono. Herodes noꞌia sepaliꞌa nowoha lindano.

Matius 4:12

Nofetingke kaowu Yohanes dotohongkue, Yesus nogampimo we kadieno Galilea.

Markus 6:14

Kolaki Herodes nofetingke dua giu nehabuno Yesus, mbaꞌinomo neano notiende-endemo ne amai liwu. Nandoo mugauno, “Yohanes Fokadiuno nodadimo toha! Kakokuasaꞌanomo nehabu giu timenteꞌaono!”

Markus 6:17

Kanandooꞌano peda naꞌa, mbaꞌinomo Herodes padamo netudu mie dahumako Yohanes, maka damopesuaꞌe weo katohongku. Katitohongkuꞌano mbaꞌinomo parakarano Herodias, mieno lambuno Filipus bhahitieno Herodes. Herodes ini noala dua Herodias mbali mieno lambuno.

Markus 6:19

Kaoleaꞌanomo lalono Herodias ne Yohanes, sampe nokopatudhu namongkoe, tamaka miina namooliea.

Markus 6:22

Weo kahame anaꞌa kalambeno Herodias nolinda. Herodes bhe mie humatono doasiane sepaliꞌa dowoha lindano maitu. Dadiꞌanomo nopugaumo Herodes ne kalambe naꞌa, “O ae nekapoindalomua? Tamesalomo, amaꞌangkoe!”

Markus 8:15

Yesus nofodhagadamo ambano, “Posiꞌondoomu ne ragi kaefoꞌendeꞌa rotindo miendo Farisi bhe ragino kolaki Herodes.”

Lukas 13:1

Wakutuu anaꞌa dohatomo seemie hodua ne Yesus. Andoa ini deowaane bhihita miendo Galilea nepongkono Pilatus tangasano deowa kapopanga ne Lahataꞌala, heando noposalomo bhe heano kadadi nesumbelendo mbali kapopanga.

Lukas 13:31

Ne wakutuu anaꞌa dohatomo seemie hodua miendo Farisi dopugau ne Yesus ambado, “Kalaꞌo toha, hunsamo liwu aini, hampano kolaki Herodes nokopatudhu namongkoko.”

Lukas 23:11

Notanda ne itu Herodes bhe tantaraꞌino dofekaꞌaebumo Yesus bhe doele-elee, pada anaꞌa dofokanaanemo dhubano kolaki maka dofosulie se Pilatus.

Lukas 23:7

Nopandeꞌaane kaowu Yesus nomaiꞌao we kadie neowano Herodes, Pilatus nofotudumo daowae te wiseno Herodes. Wakutuu anaꞌa kolaki Herodes nandooꞌe dua we kotano Yerusalem.

Lukas 3:1

Ompulu lima taꞌumo Tiberius nembali Omputo Kaisar. Taꞌu anaꞌa dua Pontius Pilatus gubernur ne kadieno Yudea, Herodes noowa kadieno Galilea, Filipus bhahitieno Herodes noowa kadieno Iturea bhe kadieno Trakonitis, bhe Lisanias noowa kadieno Abilene.

Lukas 8:3

Yohana hobhineno Kusa, Susana bhe hobhineꞌi sigaoꞌano. Kusa naꞌa mandeꞌaonomo kamalino kolaki Herodes. Hobhine andoa ini doꞌondofao kafaraluuno Yesus bhe sabhangkaꞌino dopake kanandoodo wutondo.

Tula-tulando rasulu 12:1

Wakutuumo dua anaꞌa kolaki Herodes notandamo nofodee-dee seemie hodua umati marasaeano.

Tula-tulando rasulu 4:27

Nopokantibhamo bhe anaꞌa Herodes bhe Pontius Pilatus, mie maiꞌaono ne sabhaha bansano liwu bhe miendo Israel dohompumo ne kota ini dopugau-gau doewangi Yesus palima-limamu mongkilono, nesangkemu mbali Omputo Fosalamatino.