Matius 14:29 - Muna Southern Dialect

²⁹ Ambano Yesus, “Maimo padaa!” Dadiꞌanomo Petrus nosampumo nomaiꞌao ne bhangka maka nokala te wawono oe napoꞌawaꞌao Yesus.

Matius 14:29 Iomraidhean Croise

Matius 14:28

Notobhoosimo Petrus, ambano, “Waompu, ane kotu-kotuꞌu o Hintu, tudu kanau amaiꞌiko aekala-kala dua te wawono oe.”

Matius 14:30

Tamaka nowoha kaowu kaꞌosano kawea noteꞌimo, maka notondumo uluno seendai-seendai sampe nokei, “Ompu, tulumi kanau!”

Matius 17:20

Ambano Yesus, “Mbaꞌinomo nokuha kaparasaeamiu. Dadiꞌanomo amohatokoomu, kotu-kotuꞌu ane kaparasaeamiu namooli nada onuno sau wonoita, naembali pugauꞌomu ne kabhawo aini, ‘Gampi maiꞌao ne ini’, maka kabhawo aitu tetewei nagumampi. Pakade, paemo dua bhe so tapa nepoolimiu.

Matius 21:21

Ambano Yesus, “Amohatokoomu, kotu-kotuꞌu ane marasaeaꞌomu bhe paise poibhahaomu, tetewei mooliomu dua mehabuomu peda nehabuku ne puꞌuno ara maitu. Bhahamoa suano kaowu taꞌo anaꞌa, tamaka mahingga pugauꞌomu ne kabhawo aini, ‘Sangke wutomu maka oho wutomu we teꞌi’, tetewei nakumadhadhia.

Markus 9:23

Notobhoosi Yesus, “Noafa gahaꞌa pugauꞌao, ‘Ane moolie’? Sumanomo doparasaea, o ae maka dua tetewei dopoolie!”

Lukas 17:6

Ambano Ompu, “Ane kabhalano kaparasaeamiu nada onuno wonoita seꞌonu, naembali pugauꞌomu ne puꞌuno ara ini, ‘Buna wutomu maka tisa wutomu we teꞌi’, puꞌuno sau maitu tetewei namangkafi pugaumiu.”

Tula-tulando rasulu 3:16

Aitu wohaeꞌomu kadhadhia ne kalu aini. Anoa noꞌosamo hampano kaparasaea weo neano Yesus. Kaparasaeano ne neano Yesus mekaꞌosano mie nepandeꞌaomiu ini. Ingka wohaeꞌomu kosasawimiu.

Roma 4:19

Ne naꞌa Abraham nopandeꞌaanemo paemo nakosampuꞌaa, kapaꞌamo mbadhano nonalemo, maꞌomo moꞌono taꞌu. Pedamo dua Sara, mieno lambuno maitu, ingka nokekelemo tieno. Tamaka kaparasaeano Abraham miina naokongkoa.

Filipi 4:13

Bhe katulumino Kristus maꞌa kanau kaꞌosa, amondoiꞌe awiseki sabhaha waweno dadi.