Matius 14:19 - Muna Southern Dialect

¹⁹ Pada anaꞌa mie bhahi notududamo daengkoha ne kahoku. Dengkoha kaowu, noalamo roti lima onuno bhe kenta haa uluno naꞌa, nototohana te lani nefoampe katumpuno lalo ne Lahataꞌala maka nobhebhehae. Pada anaꞌa nowaꞌandae anaguhuꞌino dodawu-dawuandae mie bhahi maitu.

Matius 14:19 Iomraidhean Croise

Matius 14:18

Ambano toha Yesus, “Owa kanaꞌeomu.”

Markus 6:39

Pada aitu Yesus notudumo mie bhahi daengkoha ne wite, ne kahoku moidhoꞌano, datumombu-tombu wutondo.

Markus 6:41

Yesus noalamo roti lima onuno bhe kenta haa uluno maitu maka nototohana te lani, nefoampe katumpuno lalo ne Ompu Lahataꞌala. Pada anaꞌa nobhebhehamo roti aitu maka nowaꞌandae anaguhuꞌino dadumawu-dawuandae mie bhahi. Pedamo dua anaꞌa kenta haa uluno maitu.

Markus 7:34

Yesus nototohanamo te lani, nofeeneimbusu maka nopugau ambano, “Efata ,” maꞌanano, “Tilengkaꞌo toha!”

Lukas 22:17

Pada aitu nealamo kampohoꞌuꞌa, nefoampe katumpuno lalo ne Lahataꞌala maka ambano, “Alaeꞌomu maka podawu-dawueꞌomu.

Lukas 22:19

Pada anaꞌa nealamo dua roti, nefoampe katumpuno lalo, nobhebhehae maka nodawu-dawuandae anaguhuꞌino. Ambano, “Mbadhakumo inia, newaꞌaoku so hintimiu, habuomu nada ini somo kafeꞌulaimiu ne Idi.”

Lukas 24:30

Hato naomaa bhe andoa, Yesus nealamo roti, nobarakatie maka nobhebhehae bhe nodawuandae.

Lukas 9:14

Humatono ne itu moꞌane kaowu dapelima hewu kabhahindo. Nopugaumo toha Yesus ne anaguhuꞌino ambano, “Tududaomu daengkoha datumombu-tombu wutondo dapelima fulu setombu.”

Lukas 9:16

Pada noala roti lima onuno bhe kenta haa uluno naꞌa, Yesus nototohanamo te lani, nefoampe katumpuno lalo ne Lahataꞌala. Pada anaꞌa roti aitu nobhebhehaemo maka nowaꞌandae anaguhuꞌino dadumawu-dawuandae mie bhahi.

Yohanes 11:41

Dadiꞌanomo dofogampimo kontu anaꞌa. Pada aitu Yesus nototohanamo bhe nopugau ambano, “Ama, notumpu laloku ne Hintu hampano fetingke kanau.

Yohanes 6:23

Pada amaitu nohatomo seꞌonu haa onu bhangka maiꞌaono we liwuno Tiberias nosede we owano kahumaaꞌando roti, sapalusino Ompu nefoampe katumpuno lalo endewi.

Tula-tulando rasulu 27:35

Pada nopugau peda naꞌa, Paulus nealamo roti, nefoampe katumpuno lalo ne Lahataꞌala ne wisendo kosasawindo maitu. Roti anaꞌa nobhebhehaemo maka nohumaa.

Roma 14:6

Mie mefosibhalano oleo peta nahumabua hampano somo dua namosibhalaꞌao Ompu. Pedamo dua momaano sabhahadamo, ingka nohabu peda anaꞌa somo namosibhalaꞌao Ompu, hampano nefoampe katumpuno lalo ne Lahataꞌala. Mie momaano kaowu hunsau, peta nahumabua hampano so namosibhalaꞌao dua Ompu, kapaꞌamo nefoampe dua katumpuno lalo ne Lahataꞌala.

1 Korintus 10:16

Wakutuuno dofohoꞌuomu angguru poowa defoampe katumpuno lalo ne Lahataꞌala hampano kampohoꞌuꞌa anaꞌa, ingka tandanomo kaseꞌisentoomu bhe heano Kristus. Wakutuuno dopobheha-bhehaomu roti maka dohumaaꞌe, ingka tandanomo kaseꞌisentoomu bhe mbadhano Kristus.

1 Korintus 10:31

⸤ Katobhoosiku peda aini:⸥ ane momaa tawa mohoꞌu, tawa o ae maka dua nehabumu, habue bhahi-bhahiꞌe naꞌa so kakalabhiano Lahataꞌala.

1 Korintus 11:24

Pada nefoampe katumpuno lalo ne Lahataꞌala, roti anaꞌa nobhebhehaemo bhe nopugau ambano, “Mbadhakumo inia, newaꞌaoku so hintimiu. Habuomu nada aini so kafeꞌu-feꞌulaiku.”

Kolose 3:17

O ae maka dua nehabu bhe nepugauꞌaomiu, habueꞌomu tawa pugauaneomu peda mantasiꞌano so mie mangkafino Ompu Yesus. Habuomu bhahi-bhahiꞌae naꞌa poowa mefoampeomu katumpuno lalo ne Lahataꞌala Amantoomu hampano sabhaha nedhalangino Yesus so hintimiu.