Matius 13:44 - Muna Southern Dialect

⁴⁴ “Kafopahintaꞌano Lahataꞌala tapedamo dua arataa tikantanono te kaampo. Gahaꞌa nandoo seemie umawae, maka suli nokantanoe. Kaꞌosano kaꞌiano nokalamo noasopi kosasawiꞌae kanandoono maka noꞌoli kaampo anaꞌa.

Matius 13:44 Iomraidhean Croise

Matius 13:24

Yesus nefohatoandamo dua kapalenda sigaoꞌano. Ambano, “Kafopahintaꞌano Lahataꞌala tapedamo seemie meꞌewino wine metaa te kaampono.

Matius 13:46

Nopoꞌawaꞌao kaowu muntia foliuno kakesa bhe kaꞌali, nokalamo noasopi kosasawiꞌae kahangkaeano maka nosuli noꞌoli muntia naꞌa.”

Matius 13:47

“Kafopahintaꞌano Lahataꞌala tapedamo dua puka nelabu we teꞌi, notikaiane sabhaha kenta.

Matius 19:21

Ambano Yesus, “Ane moindalo nasumangka dadimu, kalamo asopi sabhaha fehebuaꞌamu, olino dawu-dawuandae mie mokae maka suli meꞌawa fehebuaꞌa te surugaa. Mada anaꞌa maimo angkafi kanau.”

Matius 19:27

Pada aitu Petrus notobhoosimo ne Yesus, ambano, “Insaodi ini tahunsaemo bhahi-bhahiꞌae maka taangkafi Hintu. O ae bhahaa so neꞌawa mania?”

Matius 19:29

Pakade kotika humunsano lambuno, bhahitieno namoꞌane nahobhine, inano bhe amano, anaꞌino tawa kaampono mbaꞌinomo noangkafi Idi, nasumuli naeꞌawa namoꞌono lentuꞌa bhe naeꞌawa dua dadi suhue dhamani.

Matius 6:21

Kapaꞌamo ne amai kanandooꞌano kahangkaeamu, ne ituꞌaemo dua totono lalomu.

Lukas 14:33

Pedamo dua anaꞌa hintimiu, laꞌae tapa mosipulino wutono maiꞌao ne sabhaha fehebuaꞌano, paise naembalia so anaguhuku.

Yohanes 6:35

Ambano Yesus, “Idimo ini roti dumadino, sasuka maino ne Idi paemo naoꞌahoa, sasuka marasaeano ne Idi paemo nakekele wuꞌunoa.

Roma 15:4

Hampano bhahi-bhahiꞌae tibuhino weo Kitabi endefiꞌini, ingka saneamo so kafoinaꞌuntoomu, neanomo namangka ne kafoinaꞌuno Kitabi dakosabaha dapotaami bhe natilawesi lalontoomu. Ane nada anaꞌa kaposahunaꞌaontoomu ne Lahataꞌala sedhuluꞌa dua kamatangkano.

Kolose 2:3

Kapaꞌamo Kristusmo ini motiwohano kosasawiꞌae timbangi bhe kapandeno Lahataꞌala, tapedamo arataa tifebuniꞌano endefiꞌini, ampa aitu nentaleamo.

Kolose 3:16

Naetaa bhoasaono Kristus bhe sabhaha kabarakatino nakumabhinti totono lalomiu, neanomo naembali pofoi-foinaꞌu bhe potanga-tangahiomu maiꞌao ne totono lalo kotimbangi. Pudhiomu Lahataꞌala, mepakeomu lagu mazmur ne Kitabino Daud, lagu-laguno kapudhi bhe lagu-lagu lumebeno. Melaguomu bhe mefoampeomu katumpuno lalo ne Lahataꞌala.

Ibrani 10:34

Padamo dua menamisiomu kapeano lalondo mie netohongku. Wakutuuno arataamiu dorampasie, tatahimamoomu weo kawulano lalo, hampano pandeꞌaaneomu bhe arataamiu lumiuꞌe kakesa so motahano ampa suhue dhamani.

Powoha 3:18

Dadiꞌanomo atangahikoomu meꞌoli bulawa toka nefekangkilo ne efi maiꞌao ne Idi neanomo humangkaeaꞌomu. Meꞌoli dua pakea kapute neanomo naembali makee keana notiwoha katilembimiu timoambanoꞌaono itu. Meꞌoli dua kaago so tumei ne matamiu neanomo fowohaomu.