Matius 13:41 - Muna Southern Dialect

⁴¹ Anano Manusia natumudu malaꞌekatino damoꞌonu sabhaha mie mekakodhosano manusia bhaindo bhe mie humabu modaino weo Kafopahintaꞌano.

Matius 13:41 Iomraidhean Croise

Matius 13:49

Namedamo anaꞌa nahumato kafetompaino dhamani; malaꞌekati damai dapogaatiꞌao mie modai bhe mie metaa.

Matius 18:7

Nobalaamo mieno dhunia mehabuno tingkuno dhosa. Daanumo tingkuno dhosa sadhia nonandoo, tamaka nobalaamo mie humabue.

Matius 24:31

Duhulele bhalano nakondii. Anano Manusia natumudumo malaꞌekatino dalumimba dahumompunao umati tipilino namaiꞌao ne kofatowalaꞌae alamu, maiꞌao we tompano lani sewetano ampa we sewetano.

Matius 3:12

Katepi nontiintahaemo so natumepisaoꞌao gandum ampa naonggela. Onuno gandum nahumompunaane weo lambu kaenteiꞌa oti, tamaka kulino bhe kansiano laano natumunuane efi tapa mopoopeono.”

Matius 8:20

Yesus notobhoosimo ambano, “Daꞌu ngkahoku bhe liano, kaꞌuhi lumola bhe kaufeno, tamaka Anano Manusia - Idimo ini - miina sepaliꞌa bhe katifekalaaꞌiꞌano towuno.”

Markus 13:27

Natumudu malaꞌekatino damoꞌonu umatino tipilino, damaiꞌao ne kofatowalaꞌae alamu, damaiꞌao te bheteꞌano oleo ampa we sooꞌano.”

Roma 2:16

Nadamo aini so kumadhadhiaꞌano nahumato oleono Lahataꞌala nabhotusi sabhaha tifebuniꞌano weo totono lalondo manusia, namangka ne Yesus Kristus. Aini noposahataamo bhe Bhihita Metaa nefosampeku itu.

Ibrani 1:14

Ingka o malaꞌekati maitu saneamo rohi meompuno ne Lahataꞌala, andoamo dua netuduno Lahataꞌala daꞌumondofao manusia so metahimano kasalamati.

Powoha 21:27

Tamaka pae bhe giu moharamu so mesuaꞌano weo kota, tawa mie mehabuno timohakuno, tawa mie kopahano, mpahinomo andoa tibuhino nea weo Kitabindo Mie Dumadi, kitabinomo Anano Dhumba.