Matius 13:23 - Muna Southern Dialect

²³ Wine mondawuꞌano ne wite menowu, maꞌanano mie metingkeno bhoasaono Lahataꞌala bhe dolosangie. Dadiꞌanomo nokobhake, nandoo moꞌono lentuꞌa, nandoo nomo fulu lentuꞌa, nandoo dua tolu fulu lentuꞌa hasilino.”

Matius 13:23 Iomraidhean Croise

Matius 12:33

“Ane dopoindalo daeꞌawa bhakeno sau metaaꞌano, tabeano netaa dua puꞌuno. Ane miina naetaa puꞌuno, bhakeno miina dua naetaa. Kapaꞌamo sau dopandeꞌaane ne bhakeno.

Matius 13:8

Sigaoꞌano nondawu ne wite menowu, sampe nokobhake. Bhakeno nandoo moꞌono onu sewili, nandoo nomo fulu, nandoo dua tolu fulu onu.

Matius 3:10

Polulu nokantaa-ntaamo ne pahakano sau. Sabhaha sau tapa mokesaꞌano bhake tetewei datumuꞌoe maka daꞌumohoe weo efi.

Matius 3:8

Dadiꞌanomo fotiwohaeꞌomu ne podiumiu, ingka gahaꞌa fetompaanemoomu dhosamiu.

Markus 10:15

Amohatokoomu, kotu-kotuꞌu ane pae datumahima Lahataꞌala so mahintangino dadindo nameda anaꞌi kahobu, pae naembalia damesua weo Kafopahintaꞌano Lahataꞌala.”

Markus 4:20

Maka o wine mondawuꞌano ne wite menowu, maꞌanano mie metingkeno bhoasaono Lahataꞌala bhe dotahimae weo totono lalondo, sampe nokohasili. Nandoo tolu fulu, nandoo nomo fulu, sampe nandoo dua moꞌono lentuꞌa hasilino.”

Lukas 13:9

bhahaꞌi kaowu taꞌu te wise ini nakobhakemo. Ane paise ingka datumuꞌoemo.’ ”

Lukas 8:15

Mondawuꞌano ne wite menowu maꞌanano mie metingkeno bhoasaono Lahataꞌala, dofekataaꞌe mpuu weo totono lalondo metaaꞌano. Andoa dopotaami kansuhu ampa dokohasili.”

Lukas 8:8

Sigaoꞌano dua nondawu ne wite menowu, hato nokobhake sampe moꞌono lentuꞌa kabhahino.” Pada nopugau peda naꞌa, Yesus nopugaumo nofekabhala suahano, “Ane dokotingala, tabeano dametingke!”

Yohanes 15:16

Suano hintimiu mili kanau, tamaka o Idi milikoomu. Idimo tumudukoomu kumalaomu so nobhahiꞌao bhakemiu bhe sadaa-daa kantarano, neanomo o ae maka dua so nesalomiu ne Amaku weo neaku namaꞌangkoeꞌomu.

Yohanes 8:47

Sasuka maiꞌano ne Lahataꞌala nofetingke bhoasaono Lahataꞌala. Hintimiu miina maiꞌaoꞌomu ne Lahataꞌala, kanandooꞌanomo miina metingkeeꞌomu.”

Tula-tulando rasulu 16:14

Ne olotando metingkeno nandoo seemie hobhine koneaꞌano Lidia. Anoa nomaiꞌao we kotano Tiatira, nopodagaꞌao kai wungo. Anoa ini noteꞌi dua ne Lahataꞌala. Ompu nolengka totono lalono sampe pugauno Paulus notahimae.

Tula-tulando rasulu 17:11

Mie ne itu nolalesa fekihindo, nopoꞌala bhe miendo Tesalonika. Nohelasi lalondo detahima bhoasaono Lahataꞌala. Seꞌo-seꞌoleo dopoguhuꞌao wambano Kitabi doꞌondofi kantoono pugauno Paulus maitu.

2 Korintus 9:10

Anoa mefontaa-ntaano wine mbali mie meꞌewino, Anoa mefontaa-ntaano oti so daomaa, Anoamo dua montaa-ntaano wine nefaraluumiu maka namekabhahie wine neꞌewimiu itu sampe nasedhuluꞌa dua kabhalano pehapimiu, maꞌanano o habu metaano.

Filipi 1:11

Maꞌanano dadimiu naoponoꞌao podiu metaa nehabuno Yesus Kristus, nada sau kobhake metaano. Kosasawiꞌae ini somo damekakalabhiaꞌao bhe damudhiꞌao Lahataꞌala.

Filipi 4:17

Ampamo kaowu suano kawaꞌaomiu naꞌa neꞌondofikua, tamaka hasilino habu metaamiu, kanggetu so katubhahino ponambomiu mada kaowu.

Kolose 1:10

Ane nada naꞌa, dadimiu namantasimo peda mie mangkafino Ompu bhe mekaꞌiano lalono Lahataꞌala. Kobhakeomu weo habu metaamiu, sampe sedhuluꞌa dua mandeꞌaoꞌomu Lahataꞌala.

Kolose 1:6

Bhihita Metaa ini ingka nohatokomoomu dua. Ne kosekaꞌewaꞌae dhunia sadhulu kaꞌewa nolele bhe sadhulu kabhahi hasilino ⸤ maꞌanano sadhulu kabhahi mie marasaeano ne Kristus bhe notibhalii podiundo⸥ . Pedamo dua anaꞌa ne hintimiu, notanda oleo kabhao-bhaono fetingkeomu bhe kotu-kotuꞌu pandeꞌaoꞌomu kanini kaasino Lahataꞌala.

1 Tesalonika 4:1

Panda-pandano bhahitieꞌi, padamo tatangahikoomu nada amai dadumadi damekaꞌia lalono Lahataꞌala. Anaꞌa daanumo habuemoomu. Tamaka aitu taesalo mpuu weo neano Ompu Yesus, nasedhuluꞌa dua kakampuu-mpuuno habumiu naꞌa.

2 Tesalonika 2:10

Anoa naepake sabhaha akala modai so naefekakolilinoꞌao totono lalondo manusia so binasano. So kabinasaꞌando mbaꞌinomo miina datumahima bhe miina daoasiꞌao kabanara so mosalamatida.

Ibrani 4:2

Kapaꞌamo Bhihita Metaa ingka padamo dofolelee ne intaodiomu pedamo dua ne andoa. Ampamo kaowu Bhihita Metaa miina nakofahalaaꞌa so andoa hampano dofetingkee tamaka miina dapoangkafiane bhe kaparasaea.

Ibrani 6:7

Kapaꞌamo ane o wite nentuhu nesoso use maka nokohasiliꞌao sabhaha kantisa kofahalaano mbali manusia kumahadhaaꞌe, ingka wite anaꞌa neꞌawamo kabarakatino Lahataꞌala.

Ibrani 8:10

Tamaka ainiꞌaemo podhandiꞌa so nehabuku bhe miendo Israel we oleo mbuhumai, bhoasaono Ompu: pahintaku atumeiꞌe weo fekihindo, tubhoku abuhie weo totono lalondo. Idi somo Lahataꞌalando, andoa somo umatiku.

2 Petrus 3:18

Naetaa mpuu modhuluomu kabhala bhe kamatangkamiu weo kanini kaasino Yesus Kristus, Ompu bhe Fosalamatino, bhe nasedhuluꞌa dua mandeꞌaaneomu. Nopantasi mpuu damosibhalae haꞌoleo ini ampa suhue dhamani! Amin.

1 Yohanes 5:20

Dopandeꞌaanemo dua Anano Lahataꞌala padamo nomai we dhunia ini, nowaꞌa kaitaomu kapooli damandeꞌao Anoa banarano. Intaodiomu dodadi doseꞌise bhe Lahataꞌala, doseꞌise dua bhe Yesus Kristus, Anano. Anoamo itu Lahataꞌala sakotuꞌuno, Anoamo dua meowano dadi suhue dhamani.