Matius 13:21 - Muna Southern Dialect

²¹ Ampamo kaowu bhoasao aitu miina nakopahakaa weo totono lalondo sampe miina natumahaa. Sadeꞌawa kasabhano tawa kakadee-dee mbaꞌinomo doangkafi bhoasao maitu, lasao dohunsa kaparasaeando.

Matius 13:21 Iomraidhean Croise

Matius 10:22

Hintimiu ini dabansikoomu sabhaha mie mbaꞌinomo neaku. Tamaka so kosabahano napotaami ampa namalusi, damosalamatida.

Matius 11:6

Dokodawua mpuu mie tapa mongaheꞌi kanau hampano kandidikino lalo.”

Matius 13:20

Wine neꞌewi ne kamoꞌali, maꞌanano mie metingkeno bhoasaono Lahataꞌala, lasao dotahimae bhe doꞌiaꞌane.

Matius 13:57

Mie andoa naꞌa nondidiki lalondo sampe dokiidoemo. Gahaꞌa nopugaumo Yesus ne andoa maitu ambano, “Seemie anabii dofosibhalae ne amai liwu. Ampamo kaowu ne liwu kamaiꞌaoꞌano bhe ne lambuno wutono miina damosibhalaea.”

Matius 13:6

Tamaka hato nopana oleo, tumbuno noleleumo maka nomate mbaꞌinomo pahakano miina nakumamaa.

Matius 24:13

Tamaka andoa kosabahano dopotaami sampe namalusi, dasumalamati.

Matius 26:31

Nopugaumo Yesus ne anaguhuꞌino ambano, “Alo aini naohungga kaparasaeamiu mbaꞌinomo Idi, sampe humunsa kanauꞌomu. Kapaꞌamo nandoo tibuhino weo Kitabino anabii, ‘Dhagano dhumba amongkoe, gulumano dhumbano datigasa.’

Matius 26:33

Petrus notobhoosimo ambano, “Mahinggamo kosasawindo naohungga kaparasaendo mbaꞌinomo Hintu sampe dahumunsako, o idi paise.”

Markus 4:17

Ampamo kaowu bhoasao aitu miina nakopahakaa weo totono lalondo, sampe miina natumahaa. Sadeꞌawa kasabha bhahaꞌi kakadee-dee mbaꞌinomo doangkafi bhoasao aitu, lasao dohunsae kaparasaeando.

Lukas 8:13

Mondawuꞌano ne kamoꞌali, maꞌanano mie metingkeno bhoasaono Lahataꞌala naꞌa, lasao dotahimae bhe doꞌiaꞌane, tamaka miina nakopahakaa weo totono lalondo. Doparasaea sebantaha kaowu, sadeꞌawa kasabha dohunsa kaparasaeando kosowo-sowondo.

Yohanes 6:26

Yesus notobhoosida ambano, “Amohatokoomu, kotu-kotuꞌu hintimiu ondofi kanauꞌomu suano mbaꞌinomo losangiomu maꞌanano tanda timenteꞌaono, tamaka mbaꞌinomo padamo humaaꞌomu roti ampa moweꞌiomu.

Roma 2:7

Namaꞌao dadi suhue dhamani ne mie kumampuu-mpuuno humabu metaano hampano deꞌondofi dadi tapa binasano, dadi kumalabhia bhe dadi tifosibhala.

Galatia 5:6

Kapaꞌamo doseꞌisemoomu bhe Kristus Yesus, desuna bhahaꞌi miina daesuna miinamo nakomaꞌanaa. Maraluuꞌano mpahinomo doparasaea ne Kristus bhe dofotiwohae weo kanini kaasinto ne mie bhainto.

Galatia 6:12

O mie mosuhukoomu mesunaomu, ingka gaondo defewoha kaowu putae doangkafi tutuhano mbadha. Tamaka kahabuꞌando peda aitu keana kaowu dofodee-deeda ⸤ miendo Yahudi⸥ hampano kaparasaeando ne mateno Kristus te sau salipu.

Galatia 6:15

Desuna bhe miina daesuna miina nakomaꞌa-maꞌanaa, ampamo dembali manusia buꞌou komaꞌanaꞌano.

Efesus 3:17

Sio-siomo hampano kaparasaeamiu, Kristus naeate kansuhu weo totono lalomiu, maka dadimiu naengkoha bhe nakopahaka weo kanini kaasi.

Filipi 1:6

Aparasaea mpuu Lahataꞌala tumandakino kahadhaa metaa weo totono lalomiu ini, namokansuhue dua ampa natumoka ne oleo so kahatoꞌano Kristus Yesus.

2 Timotius 1:15

Ingka pandeꞌaanemo kosasawindo maiꞌaono ne kadieno Asia dokukundo kanaumo, notilentumo dua ndo Figelus bhe Hermogenes.

2 Timotius 4:10

Kapaꞌamo Demas nohunsa kanaumo, noasiꞌaomo dhunia ini, nokalamo we Tesalonika. Kreskes nokalamo dua we Galatia, bhe Titus we Dalmatia.

Yakobus 3:2

Kosasawintoomu ini nentela dehabu sabhaha kaꞌala. Mie tapa umalano pugau ingka nosangkamo dadino, nopoolie dua nofewanaki mbadhano.

1 Petrus 1:5

Hampano kaparasaeamiu, Lahataꞌala nodhaganikoomu weo kuasano, neanomo meꞌawaomu kasalamati kumantaa-ntaaꞌano so nefekoꞌulaino ne pandano dhamani.

Powoha 2:13

Apandeꞌaane ne amai kaeateꞌamu, ingka we kota kafopahintaꞌano Kafeompuꞌando seetani. Tamaka hintimiu sadaa-daa fintahakiomu kaparasaeamiu ne Idi, miina sumowoomua, mahinggamo we dhamanino Antipas sakusiiku tiparasaeano nepongkondo ne wisemiu, we kaeateꞌano Kafeompuꞌando seetani itu.