Matius 12:50 - Muna Southern Dialect

⁵⁰ Kapaꞌamo laꞌae mangkafino kapoindalono Amaku te surugaa, anoamo bhahitieku moꞌane, anoamo bhahitieku hobhine, anoamo dua inaku.”

Matius 12:50 Iomraidhean Croise

Matius 12:49

Pada anaꞌa nosusumo anaguhuꞌino bhe nopugau ambano, “Ainiꞌadamo inaku bhe bhahitieꞌiku.

Matius 13:1

Ne oleo anaꞌa Yesus nolimba we simbalino lambu maka nokala nengkoha we wiwino teꞌi.

Matius 17:5

Tangasano Petrus nopugau, tanosikaolumidamo olu nentalea sepaliꞌa. Nomaiꞌao weo olu naꞌa notifetingkemo suaha ambano, “Ainimo Anaku timoasiꞌaono, neposahasiꞌaono laloku, fetingkeeꞌomu pugauno.”

Matius 25:40

Omputo anaꞌa natumobhoosi ambano, ‘Amohatokoomu, kotu-kotuꞌu sabhaha nehabumiu ne bhahitieku foliuno kandidiki ini, ingka nopototomo habueꞌomu ne Idi.’

Matius 25:45

Ambano dua omputo naꞌa, ‘Amohatokoomu, kotu-kotuꞌu taenomo mokiidoomu metulumiomu seemie foliuno kandidiki ini, nopototomo mokiidoomu tumulumiomu Idi.’

Matius 28:10

Nopugaumo dua Yesus ambano, “Koise moteꞌiomua, kala fohatoomu bhahitieꞌiku dakumala we Galilea, ne tatu damoha kanaumo.”

Markus 3:35

Laꞌae-laꞌae meangkano ne pahintano Lahataꞌala, anoamo itu bhahitieku moꞌane, bhahitieku hobhine, anoamo itu dua inaku.”

Lukas 8:21

Tamaka Yesus tanotobhoosi ambano, “Mie metingkeno bhe dhumalangino bhoasaono Lahataꞌala, andoamo ini inaku bhe bhahitieꞌiku.”

Yohanes 15:14

Hintimiumo sabhangkaꞌiku, sumanomo mangkafiomu pahintaku.

Yohanes 20:17

Ambano dua Yesus, “Koise dampasi kanaua, kapaꞌamo miinaꞌo akumala te Amaku. Aitu sulimo se bhahitieꞌiku, fohatoda Idi akumalamo te Amaku bhe Amamiu dua, Lahataꞌalaku bhe Lahataꞌalamiu dua.”

Yohanes 6:29

Yesus tanotobhoosida ambano, “Kahadhaa nepoindalono Lahataꞌala, parasaeaꞌomu ne Katuduno Lahataꞌala!”

Yohanes 6:40

Ainiꞌaemo kapoindalono Amaku, gaono mpuu sasuka mohano Anano bhe marasaeano ne Anoa naeꞌawa dadi suhue dhamani maka amodadie ne Oleono Kiama.”

Tula-tulando rasulu 17:30

Ampa aitu Lahataꞌala miinamo napolentua bhe dhamanino kakabhohe-bhohendo manusia, sampe nofohatodamo kosasawindo manusia kosedhuniaꞌae ini dametompaꞌaomo podiu modaindo.

Tula-tulando rasulu 26:20

Mentalea-mentalea afohatoda, o mie tabeano dametompaꞌao podiu modaindo maka dadumoli ne Lahataꞌala. Pakade daehabu podiu posahataaꞌano bhe fetompando maitu. Nepugauꞌaoku ini kabhao-bhaono afohato miendo Yahudi we kotano Damsyik maka we Yerusalem bhe kosekaꞌewaꞌae kadieno Yudea. Pada anaꞌa afohatomo dua mie suano Yahudi.

Roma 8:29

Andoa padamo nopilida Lahataꞌala mpini kabhao-bhaono, padamo dua nofotantuda mpini wawono dasekatu bhe Anano. Pedamo anaꞌa Anano maitu nembalimo titiisa, o aino dobhahi.

1 Korintus 9:5

Bhahaa miina takohakua taewoowa bhe hobhine mani mie marasaeano peda nehabundo rasulu sigaoꞌano, bhahitieno Ompu Yesus bhe Petrus dua?

2 Korintus 11:2

Nokondua laloku ne hintimiu tapedamo wutono Lahataꞌala. Hintimiu tapedamo seemie kalambe mongkilo, padamo apodhandi amogaakoomu bhe seemie moꞌane, ingka wutono Kristus.

Galatia 5:6

Kapaꞌamo doseꞌisemoomu bhe Kristus Yesus, desuna bhahaꞌi miina daesuna miinamo nakomaꞌanaa. Maraluuꞌano mpahinomo doparasaea ne Kristus bhe dofotiwohae weo kanini kaasinto ne mie bhainto.

Galatia 6:15

Desuna bhe miina daesuna miina nakomaꞌa-maꞌanaa, ampamo dembali manusia buꞌou komaꞌanaꞌano.

Kolose 3:11

Weo dadi buꞌou ini miinamo bhe poꞌalaꞌano miendo Yahudi bhe suano miendo Yahudi, mie nesuna tawa tapa nesuna, mie koliwuno tawa bansano liwu pata koꞌadhatino, o bhatua tawa mie bebasi. Tamaka nefosibhalando ampamo kaowu Kristus, hampano Kristus neate weo totono lalondo kosasawindo naꞌa.

1 Timotius 5:2

Kamungkulaꞌi hobhine pototoanda bhe inamu; hobhine mohangkuno dadi pototoanda dua bhe kakutaꞌamu, namaiꞌao ne fekihimu mongkilono.

Ibrani 5:9

Nosangka kaowu dadino, Yesus nembalimo meowano kasalamati suhue dhamani so kosasawindo mie meangkano ne Anoa.

1 Petrus 4:2

Dadiꞌanomo katumpono dadimiu we dhunia ini pakeeꞌomu angkafiomu kapoindalono Lahataꞌala, koise angkafiomu kapoindalono manusia.

1 Yohanes 2:17

Dhunia bhe sabhaha kanandoono nepoindalono manusia dhulu kasali, tamaka mie mangkafino kapoindalono Lahataꞌala nadumadi suhue dhamani.

Powoha 22:14

Dokodawua mpuu mie tumofano dhubando. Andoamo kohakuno daomaa bhakeno sau meowano dadi bhe dokohaku dua damesua damangka ne kagualino kota amaitu.