Matius 12:45 - Muna Southern Dialect

⁴⁵ Pada anaꞌa nosulikimo sabhangkano dopipitu maka dopesua deate ne itu. Seetani bhaino maitu dofoliuꞌe dua kadaindo. Panda-pandano mie aitu dhulu kadaha bhe pakatandano. Nadamo dua anaꞌa so kumadhadhiaꞌano ne mie modaino dhamani aini.”

Matius 12:45 Iomraidhean Croise

Matius 12:24

Tamaka dofetingke amaitu, miendo Farisi dopugaumo ambado, “Kaembaliꞌano mie aini nefolimba seetani hampano nopake kuasano Beelsebul, Kafeompuꞌando seetani.”

Matius 12:44

Dadiꞌanomo ambano, ‘Naetaa asumuli we lambu kahunsaꞌaku.’ Nohato gahaꞌa lambu anaꞌa miina nakomiea, nonggela bhe notifosintuwu.

Matius 17:21

[Tamaka seetani pedando aini miina natifolimba, simbali dosambahea bhe dopoasaane.]

Matius 23:15

Balaamoomu, pande-pande Kitabi bhe miendo Farisi, hintimiu mie mehaaꞌulano, kapaꞌamo mebhosekiomu teꞌi bhe mepalintangianeomu wite so kaowu mefopesuaꞌaoꞌomu naseemie weo agamamiu; tamaka sapesuano habuemoomu so mieno narakaa, kadaino podiuno sangke haa paku bhe podiumiu.

Matius 23:24

Hintimiu kabunto fotondano! Konunu weo kafohoꞌumiu tiisangieꞌomu, tamaka ane o kahumbau taꞌotolomoomu.

Markus 16:9

[Nowanu kaowu, ne oleono Ahadhi kahangkowineno, kabhao-bhaonoꞌo Yesus nofotiwoha Wutono ne Maria Magdalena. Nomaiꞌao ne Maria ini, Yesus padamo nefolimba fitu bansa seetani.

Markus 5:9

Yesus nofeenaemo ambano, “Laꞌae gahaꞌa neamu?” Notobhoosimo ambano, “Neaku Legion, mbaꞌinomo insaodi ini tabhahi.”

Lukas 11:26

Pada anaꞌa nosulikimo sabhangkano dopipitu maka dopesua deate ne itu. Seetani bhaiꞌino maitu dofoliuꞌe dua kadaindo. Panda-pandano mie aitu sedhuluꞌa dua kadahano bhe pakatandano.”

Efesus 6:12

Kapaꞌamo intaodiomu miina dapoewangi bhe mbadha tiwohaꞌano, tamaka doewangi sabhaha rohi modai kokuasano te antara. Doewangiomu dua mintahano kuasa, neangkando seetani bhe kuasa mohohondo te dhunia ini; andoa ini saneamo kumuasaino dhamani modai ini.

Ibrani 10:39

Ampamo kaowu intaodiomu ini suano umati mesowo-sowono so binasano, tamaka intaodiomu ini umati marasaeano so meꞌawano dadi.