44 Dadiꞌanomo ambano, ‘Naetaa asumuli we lambu kahunsaꞌaku.’ Nohato gahaꞌa lambu anaꞌa miina nakomiea, nonggela bhe notifosintuwu.
Ane damesuaki lambuno seemie moꞌosa maka dasumaohi buku kanandoono, tabeano datumapu kadeki kolambuno naꞌa. Mada aitu kaneꞌomo naembali darumampasi kanandoono.
“Ane seetani nolimba nomaiꞌao ne manusia, tanolilimo ne wite pandaso neꞌondofi kafeoluꞌano tamaka miina naeꞌawaa.
Pada anaꞌa nosulikimo sabhangkano dopipitu maka dopesua deate ne itu. Seetani bhaino maitu dofoliuꞌe dua kadaindo. Panda-pandano mie aitu dhulu kadaha bhe pakatandano. Nadamo dua anaꞌa so kumadhadhiaꞌano ne mie modaino dhamani aini.”
Hato nosuli ne itu, gahaꞌa lambu anaꞌa nonggelamo bhe notifosintuwu.
Kapugauꞌano peda naꞌa suano mbaꞌinomo noniniꞌao mie mokae, tamaka mbaꞌinomo anoa maitu seemie kasoꞌo, nentelamo nohumaa dhoi weo kaenteiꞌa dhoi neintahano.
Yesus bhe anaguhuꞌino nandoo dohumaa. Kafeompuꞌando seetani padamo nokamuntui Yudas anano Simon Iskariot, nowaꞌane patudhu modai weo totono lalono so namowaꞌao Yesus ne limando kaewa.
Sanoꞌawa roti anaꞌa Yudas nopesuakiemo Kafeompuꞌando seetani. Ambano Yesus ne Yudas, “Habumo fekahimba so nehabumu itu.”
Ingka nokesa itua nandoo powengke-wengkeꞌa ne olotamiu itu! Ane paise, nada amai natipandeꞌao laꞌae kumampuu-mpuuno weo kaparasaeano?
Wakutuu anaꞌa dadimiu noangkafi kaneano dhunia ini, maꞌanano meangkaomu ne Kafeompuꞌando kuasa modai te antara. Anoamo maitu rohi kumuasaino totono lalondo mie pata meangkano ne Lahataꞌala taꞌampamo aitu.
Andoa mewangino Kristus maitu daanumo domaiꞌao ne olotantoomu, tamaka sakotuꞌuꞌano suano mientoomu. Kapaꞌamo ane kotu-kotuꞌu mientoomu, teteweimo sadaa-daa dapobhai bhe intaodiomu. Tamaka limbando maitu somo notiwohaꞌao putae kosasawindo maitu suano sabhangkantoomua.
Anaꞌiku! Hintimiu fehebuaꞌano Lahataꞌala, talodamoomu mpahaana-anabiino, hampano Rohino Lahataꞌala weo totono lalomiu nofoliuꞌe kuasano rohi weo totono lalondo miendo dhunia ini.