Matius 12:35 - Muna Southern Dialect

³⁵ Mie metaa nefolimba metaaꞌano maiꞌao ne kampebuniꞌano lalo metaaꞌano. Pedamo dua aitu mie modai nefolimba modaiꞌano maiꞌao ne kampebuniꞌano lalo modaiꞌano.

Matius 12:35 Iomraidhean Croise

Matius 12:34

Hintimiu ini sampuꞌano ule modai! Nada dua amai mefolimbaomu pugau metaa, sangiꞌanomo wutomiu mie modai? Kapaꞌamo lumimbano ne wiwi, nomaiꞌao ne kamponono totono lalo.

Matius 13:52

Ambano toha Yesus, “Dadiꞌanomo kotika pande Kitabi metahimano kafoinaꞌuno Kafopahintaꞌano Lahataꞌala, tapedamo kolambuno molimbano kahangkaeano maiꞌao ne kaenteiꞌano, nabuꞌou nangkodau.”

Matius 7:17

Pedamo naꞌa sau metaa nokobhakeꞌao metaaꞌano, sau tapa metaaꞌano nokobhakeꞌao modaiꞌano.

Lukas 6:45

Mie metaa nefolimba metaaꞌano nomaiꞌao ne kampebuniꞌano lalono metaaꞌano; mie modai nefolimba modaiꞌano. Kapaꞌamo tibhokaꞌano ne wiwi nolua nomaiꞌao weo totono lalo.”

Efesus 4:29

Weo pugaumiu, koe mepakeomu wamba tampahasa, tamaka mepakeomu kaowu wamba mokesa, wamba fotaa-taano pokantibhaꞌano bhe kafaraluundo mie bhaimu. Wamba medano naꞌa naeowa kabarakati so mie metingkee.

Kolose 3:16

Naetaa bhoasaono Kristus bhe sabhaha kabarakatino nakumabhinti totono lalomiu, neanomo naembali pofoi-foinaꞌu bhe potanga-tangahiomu maiꞌao ne totono lalo kotimbangi. Pudhiomu Lahataꞌala, mepakeomu lagu mazmur ne Kitabino Daud, lagu-laguno kapudhi bhe lagu-lagu lumebeno. Melaguomu bhe mefoampeomu katumpuno lalo ne Lahataꞌala.

Kolose 4:6

Sabhaha nekowambaꞌaomiu tabeano naombaka dametingkee bhe natimohelaꞌao lalo. Ane dameenakoomu, tabeano mandeomu tumobhoosidaomu seemie-seemie.