Matius 12:28 - Muna Southern Dialect

²⁸ Tamaka ane aefolimba seetani apake kuasano Rohino Lahataꞌala, sakotuꞌuno nohatokomoomu Kafopahintaꞌano Lahataꞌala.

Matius 12:28 Iomraidhean Croise

Matius 12:18

⸤ Ambano Lahataꞌala⸥ “Ainimo katudu nepiliku, nemoasiꞌaoku, neposahasiꞌaono laloku. Rohiku atumeiꞌe we lalono, Anoamo so mefoleleno tubhono kasalamati ne sabhaha bansano liwu.

Matius 12:29

Ane damesuaki lambuno seemie moꞌosa maka dasumaohi buku kanandoono, tabeano datumapu kadeki kolambuno naꞌa. Mada aitu kaneꞌomo naembali darumampasi kanandoono.

Matius 21:31

Laꞌae bhahaa anaꞌi hoduano maitu mangkafino kapoindalono amando?” Dotobhoosimo mie andoa naꞌa ambado, “Membalino ai.” Ambano Yesus, “Amohatokoomu, kotu-kotuꞌu mealaꞌino sewa bhe karambole damaꞌindulu damesua weo Kafopahintaꞌano Lahataꞌala bhe hintimiu ini.

Matius 21:43

Dadiꞌanomo, amohatokoomu, hakumiu weo Kafopahintaꞌano Lahataꞌala namalae Lahataꞌala, maka namaꞌandae bansano liwu sigaoꞌano so dhumalangino pahintano.

Matius 4:24

Bhihitano Yesus ini nokolelemo ne kosekaꞌewaꞌae kadieno Siria, sampe deowaꞌianemo mie menamisino sabhaha saki, kakadee-dee bhe kadaino namisi, mie nepesuakino seetani, mate manuno bhe mokaluno. Kosasawindo naꞌa nofekaꞌosada.

Matius 6:33

Dadiꞌanomo ondofiomu kadeki Kafopahintaꞌano Lahataꞌala bhe dhalangieꞌomu kapoindalono. Maka kosasawiꞌae kafaraluumiu naꞌa namaꞌangkoeꞌomu dua.

Markus 1:15

Ambano, “Nohatomo tempono, nomaꞌomo Kafopahintaꞌano Lahataꞌala. Fetompaꞌao dhosamiu, doliomu ne Lahataꞌala bhe parasaeaꞌomu ne Bhihita Metaa!”

Markus 11:10

Notibarakati Kafopahintaꞌano awuantoomu Daud humatono ini! Hosana, pudhi kaitaomu Lahataꞌala te wawono wawo!”

Markus 16:17

Mie marasaeano ne Idi naembali daehabu tanda tapa mentela: daefolimba seetani damake neaku; damande dua dapugauꞌao sabhaha wamba buꞌou.

Lukas 10:11

‘Mahingga bungahasino liwumiu mikaꞌano ne aꞌe mani, tatumantae ne wisemiu. ⸤ Aini somo kafodhagamiu, miinamo bhe taiꞌa mani bhe hintimiu⸥ . Ampamo kaowu pandeꞌaaneomu Kafopahintaꞌano Lahataꞌala nomaꞌomo.’

Lukas 11:20

Tamaka ane aefolimba seetani apake kuasano Lahataꞌala, sakotuꞌuno nohatokoomu Kafopahintaꞌano Lahataꞌala.

Lukas 16:16

Kitabino Musa bhe Kitabino ana-anabii sadaa-daa nolaku ampa ne dhamanino Yohanes, tamaka notanda ne dhamanino Yohanes Kafopahintaꞌano Lahataꞌala dofoleleemo maka sabhaha mie dopogolo-golo damesua.

Lukas 9:2

Pada aitu notudadamo daefolele bhihita Kafopahintaꞌano Lahataꞌala bhe daefekaꞌosa mie mosaki.

Tula-tulando rasulu 10:38

Pandeꞌaanemoomu dua Lahataꞌala nopili Yesus miendo Nasaret maitu maka nowaꞌane Rohino bhe kuasa. Anoa nolili nehabu metaaꞌano, nefekaꞌosa sabhaha mie nekuasaino Kafeompuꞌando seetani, mbaꞌinomo Lahataꞌala nopobhaiane.

Roma 14:17

Kapaꞌamo ane dopugauꞌao Kafopahintaꞌano Lahataꞌala, ingka miina damugauꞌao oti nehumaa bhe nefohoꞌu. Maraluuꞌano mpuu weo Kafopahintaꞌano Lahataꞌala o manusia damangkafi kapoindalono Lahataꞌala, katohopono dadi bhe kawulano lalo maiꞌao ne Rohino Lahataꞌala.

Kolose 1:13

Lahataꞌala nofosalamati kaita maiꞌao weo kuasano kahohondo maka nofogampi kaita weo kafopahintaꞌano Anano kamoasiꞌaono.

Ibrani 12:28

Kanandooꞌanomo naetaa daefoampe katumpuno lalo ne Lahataꞌala, hampano detahimaomu kafopahintaꞌa tapa tifoguguno. Naetaa natumumpu lalontoomu bhe dasumombaomu weo kamihi bhe kafosibhala ne Lahataꞌala, naposahataa bhe kapoindalono Wutono.

1 Yohanes 3:8

Tamaka mie mehabuno kansuhu dhosa anaꞌinomo Kafeompuꞌando seetani, kapaꞌamo ingka Kafeompuꞌando seetani nokodhosa mpini kabhao-bhaono. Ainimo patudhuno Anano Lahataꞌala nomai, so namobinasaꞌao sabhaha habuno Kafeompuꞌando seetani.