Matius 12:18 - Muna Southern Dialect

¹⁸ ⸤ Ambano Lahataꞌala⸥ “Ainimo katudu nepiliku, nemoasiꞌaoku, neposahasiꞌaono laloku. Rohiku atumeiꞌe we lalono, Anoamo so mefoleleno tubhono kasalamati ne sabhaha bansano liwu.

Matius 12:18 Iomraidhean Croise

Matius 12:17

Aini so nokoꞌulaꞌao bhoasao nefosampeno anabii Yesaya peda aini,

Matius 17:5

Tangasano Petrus nopugau, tanosikaolumidamo olu nentalea sepaliꞌa. Nomaiꞌao weo olu naꞌa notifetingkemo suaha ambano, “Ainimo Anaku timoasiꞌaono, neposahasiꞌaono laloku, fetingkeeꞌomu pugauno.”

Markus 1:11

Notifetingkemo dua suaha nomaiꞌao te lani ambano, “Hintumo Anaku timoasiꞌaono, Hintumo mekaꞌiano laloku.”

Markus 9:7

Gahaꞌa nokaolumidamo olu, maka nomaiꞌao weo olu maitu notifetingkemo suaha ambano, “Ainiꞌaemo anaku nemoasiꞌaoku. Fetingkeeꞌomu pugauno.”

Lukas 23:35

Mie bhahi deehe-ehe ne itu doꞌondo-ondo sabhaha kumadhadhiaꞌano. Kamu-kamungkulaꞌi doele-elee ambado, “Mie sigaoꞌano nofosalamatida, ane kotu-kotuꞌu anoa ini Mesias, Omputo Fosalamatino nepilino Lahataꞌala, ingka naetaamo namosalamati wutono.”

Lukas 3:22

maka Rohino Lahataꞌala nosampu te wawono nokatu futeꞌo. Tanotifetingkemo dua suaha nomaiꞌao te lani, ambano “Hintumo Anaku timoasiꞌaono, Hintumo posahasiꞌaono laloku.”

Lukas 4:18

“Rohino Ompu nokabhinti kanau, mbaꞌinomo padamo nosangke kanau so amosampeꞌao Bhihita Metaa ne mie ngkumaasi-asino. Anoa notudu kanaumo aefolele bhihita putae mie netohongku damobebasida, o kabunto sumuli dafowoha. Notudu kanau dua amobebasi mie nefompina-mpina,

Lukas 9:35

Tanotifetingkemo dua suaha nomaiꞌao weo olu naꞌa ambano, “Ainimo Anaku nepiliku, fetingkeeꞌomu.”

Yohanes 3:34

Kapaꞌamo katuduno Lahataꞌala maitu nofosampe bhoasaono Lahataꞌala, hampano Lahataꞌala nowaꞌane Rohino miina naegana-ganaa.

Tula-tulando rasulu 10:38

Pandeꞌaanemoomu dua Lahataꞌala nopili Yesus miendo Nasaret maitu maka nowaꞌane Rohino bhe kuasa. Anoa nolili nehabu metaaꞌano, nefekaꞌosa sabhaha mie nekuasaino Kafeompuꞌando seetani, mbaꞌinomo Lahataꞌala nopobhaiane.

Tula-tulando rasulu 11:18

Dofetingke peda maitu miinamo dakodiua, tadopudhimo kakalabhiano Lahataꞌala. Ambado, “Ingka gahaꞌa mie suano Yahudi nowaꞌanda dua kadawu Lahataꞌala dametompaꞌao dhosando so dadumadiꞌao suhue dhamani!”

Tula-tulando rasulu 14:27

Sahatondo ne itu dofohompumo umati marasaeano maka detula-tulaanda sabhaha nehabuno Lahataꞌala noangka ne limando, pakade Lahataꞌala nelengkamo kaangkaꞌa mbali mie suano Yahudi so damarasaeaꞌao ne Yesus.

Efesus 1:6

Nopantasimo mpuu damekakalabhia Lahataꞌala, kapaꞌamo nofotohaiꞌao kanini kaasino noangka ne Anano kamoasiꞌaono.

Kolose 1:1

Suha aini nomaiꞌao ne idi, Paulus, rasuluno Kristus Yesus hampano kapoindalono Lahataꞌala, bhe Timotius bhahitientoomu.

Kolose 1:13

Lahataꞌala nofosalamati kaita maiꞌao weo kuasano kahohondo maka nofogampi kaita weo kafopahintaꞌano Anano kamoasiꞌaono.

1 Petrus 2:4

Dadiꞌanomo maꞌotiomu Ompu. Anoamo tapedamo kontu dumadino. Daanumo doꞌohoe manusia, tamaka nopilie Lahataꞌala mbali kontu sandi foliuno kakoharagaa.

2 Petrus 1:17

Insaodi tawohaꞌao wuntano mata mani Yesus netahima kakalabhia bhe kafosibhala ne Lahataꞌala Amano. Wakutuu anaꞌa notifetingke suahano Foliuno Kakalabhia nokobhoasao ne Anoa ambano, “Anoamo ini anaku timoasiꞌaono, neposahasiꞌaono laloku.”