Matius 11:5 - Muna Southern Dialect

⁵ Kabunto suli dofowoha, mie kalu dekala-kala, kokuli modaino donggela, kapongke dofofetingke, mie mate suli dodadi bhe mie ngkumaasi-asi defebhihitaianda Bhihita Metaa.

Matius 11:5 Iomraidhean Croise

Matius 10:8

Fekaꞌosadaomu mie mosaki, fowanudaomu mie mate, fekaꞌuhidaomo mie kokuli modaino, folimbadaomu seetani. Kosasawiꞌae ini awaeꞌomu miina umolieꞌomua, dadiꞌanomo tafowaꞌaomoomu dua.

Matius 11:4

Yesus notobhoosida ambano, “Sulimoomu, fohatoaneomu Yohanes o ae nefetingkemiu bhe newohamiu.

Matius 12:13

Pada anaꞌa nopugau ne mie mokepeno lima maitu, “Fonsoho limamu!” Mie aitu nofonsoho limano, lasao noꞌosa peda limano sembalino.

Matius 21:14

Pada aitu domaimo mie kabunto bhe kakempa ne Yesus weo Lambuno Lahataꞌala naꞌa, maka nofekaꞌosada.

Matius 5:3

“Dokodawua mpuu mie ngkumaasi-asino masandeno ne Ompu, kapaꞌamo andoamo so mehapino Kafopahintaꞌano Lahataꞌala.

Matius 9:30

Matando lasao nentalea. Yesus nofodhagadamo ambano, “Posiꞌondoomu koise mekapuna ne laꞌae maka dua.”

Markus 7:37

Mie metingkeno tadomente bhe dotonto. Ambado, “Pahasili, ingka sabhaha giu nofekataaꞌie. O kapongke nofofetingkeda, o bhohe nofekapandeda dopugau.”

Markus 9:25

Yesus nowohamo mie dodhulu kabhahi dolibuda, maka noꞌamahaki seetani maitu ambano, “Hintu seetani! Mefobhohe bhe mefopongke mie! Atuduko limbaꞌo toha maiꞌao ne anaꞌi aini, maka koemo suli-sulikiea!”

Lukas 4:18

“Rohino Ompu nokabhinti kanau, mbaꞌinomo padamo nosangke kanau so amosampeꞌao Bhihita Metaa ne mie ngkumaasi-asino. Anoa notudu kanaumo aefolele bhihita putae mie netohongku damobebasida, o kabunto sumuli dafowoha. Notudu kanau dua amobebasi mie nefompina-mpina,

Yohanes 10:25

Notobhoosidamo ambano, “Ingka padamo afohatokoomu, tamaka miina marasaeaꞌomu. Sabhaha kahadhaa nehabuku weo neano Amaku, aituꞌaemo ingka sanea sakusiiku.

Yohanes 10:38

Tamaka ane ahumabue, gahaꞌa nandoo mongaheomu marasaeaꞌomu ne Idi, taparasaeamoomu ne kahadhaaku itu. Ane nada anaꞌa mandeꞌaaneomu bhe lumosangieꞌomu ingka Amaku noseꞌise bhe Idi, o Idi aseꞌise bhe Amaku.”

Yohanes 2:23

Tangasano Yesus we Yerusalem ne hohaeaꞌano Paska dobhahi mie marasaeano ne Anoa, hampano dowohamo tanda timenteꞌaono nehabuno.

Yohanes 3:2

Nohondo oleo, nokalamo nopoꞌawaꞌao Yesus. Ambano, “Guru, tapandeꞌaane Hintu guru katuduno Lahataꞌala. Kapaꞌamo bhe naseemie pae bhe mandeno mehabuno tanda-tanda timenteꞌaono nehabumu itu, ane pae napobhaiane Lahataꞌala.”

Yohanes 5:36

Tamaka Idi bhe kasakusiiku noliuꞌe nesakusiiꞌaono Yohanes. Nepulaoꞌaoku sabhaha kahadhaa nehabuku; kahadhaa naꞌa nofotaka kanaꞌe Amaku so ahumabu. Kahadhaamo amaitu nembalimo kasakusiiku, nembalimo dua bukutiino Idi ini notudu kanau Amaku.

Yohanes 9:7

Nopugaumo ambano, “Kalamo meheꞌu we oe kaekadiuꞌa nekonando Siloam.” (Maꞌanano Siloam naꞌa “Mie netudu”). Mie amaitu nokalamo neheꞌu maka nosuli, gahaꞌa matano nofowohamo.

Tula-tulando rasulu 2:22

Miendo Israel, fetingkeeꞌomu pugauku ini. Nepulaoꞌaoku naꞌa Yesus miendo Nasaret, seemie nesangkeno Lahataꞌala. Nosangkee Lahataꞌala ini notiwoha ne kuasa, giu timenteꞌaono bhe tanda tapa mentela nehabuno Lahataꞌala ne wunta-wuntamiu noangka ne limano Yesus ini. Kosasawiꞌae ini ingka pandeꞌaanemoomu.

Yakobus 2:5

Bhahitieꞌiku timoasiꞌaono, fetingke kanauꞌomu! Mie mokae ne pomatano dhunia ingka nofepilida Lahataꞌala, dembali mie hangkaea weo kaparasaeando. Andoamo dua so kohakuꞌaono metahimano kadawu weo Kafopahintaꞌano Lahataꞌala, peda nedhandiꞌaono Lahataꞌala ne mie moasiane.