Matius 11:21 - Muna Southern Dialect

²¹ Ambano, “Balaamo hintu liwuno Korasim! Balaamo dua hintu liwuno Betsaida! Ane endefiꞌini we kotano Tirus bhe Sidon nakumadhadhia tanda-tanda tapa mentela newohamiu ini, tetewei nomponamo dadumoli ne Lahataꞌala, daepake bhida bhe daetei abu te fotundo ⸤ peda katandaino dososoꞌao dhosando⸥ .

Matius 11:21 Iomraidhean Croise

Matius 11:22

Tamaka amohatokoomu, nahumato Oleono Kiama, naosape kahukumuno miendo Tirus bhe Sidon bhe kahukumu so neꞌawamiu.

Matius 15:21

Pada peda naꞌa Yesus nokalamo, nogampi we kadieno Tirus bhe Sidon.

Matius 18:7

Nobalaamo mieno dhunia mehabuno tingkuno dhosa. Daanumo tingkuno dhosa sadhia nonandoo, tamaka nobalaamo mie humabue.

Matius 26:24

Daanumo Anano Manusia - Idimo ini - tetewei namate peda tibuhino weo Kitabino anabii. Tamaka nobalaamo mie so mowano Anano Manusia ne limando kaewa. Mie anaꞌa netaamo koemo nolentea.”

Markus 3:8

maiꞌaono we Yerusalem, maiꞌaono we kadieno Idumea, maiꞌaono we sewetano umeleno Yordan, bhe maiꞌaono dua we kadieno Tirus bhe Sidon. Kahatoꞌando mie bhahi ini, mbaꞌinomo dofetingke sabhaha giu nehabuno Yesus.

Markus 6:45

Pada aitu Yesus lasao notudu anaguhuꞌino dasumawi ne bhangka damaꞌindulu we sewetano, we liwuno Betsaida. Anoa nandoo notudu kadeki mie bhahi maitu dasumuli.

Markus 7:24

Maka nomaiꞌao ne itu Yesus nohope we kadieno Tirus bhe Sidon. Sahatono nopesuamo ne seꞌonu lambu mbaꞌinomo nongahe hatono maitu damandeꞌaane miendo liwu, gahaꞌa miina sepaliꞌa natifebunia.

Markus 7:31

Nopalusi anaꞌa Yesus nohunsamo kadieno Tirus noangka we Sidon nohope we teꞌino Galilea. Noangkai dua kadieno Dekapolis.

Markus 8:22

Yesus bhe anaguhuꞌino dohatomo we Betsaida. Ne itu deowaane seemie kabunto maka desalo namedampae.

Lukas 4:26

Mahinggamo pedamo aitu anabii Elia miina natumudue Lahataꞌala ne andoa maitu, tamaka ne seemie bhihinanda we Sarfat ne kadieno Sidon.

Lukas 6:17

Pada aitu dosisampu-sampuꞌamo maiꞌao te kabhawo maka dofetumpu we potateꞌano. Ne itu dobhahi sepaliꞌa mie mangkafie dohompumo bhe dobhahi dua mie sigaoꞌano. Andoa maitu domaiꞌao ne kosekaꞌewaꞌae kadieno Yudea, domaiꞌao we Yerusalem, bhe domaiꞌao dua we kadieno Tirus bhe Sidon we wiwino teꞌi.

Lukas 9:10

Dosuli kaowu ne Yesus, rasulu detula-tulaanemo kosasawiꞌae nehabundo. Yesus nowowoꞌodamo dagumampi ne seꞌonu liwu, patudhuno tadamoisa. Neano liwu anaꞌa Betsaida.

Yohanes 1:44

Filipus maitu nomaiꞌao we Betsaida, liwundomo dua Petrus bhe Andreas.

Yohanes 12:21

Mie andoa naꞌa dokalamo ne Filipus. Filipus ini nomaiꞌao ne liwuno Betsaida we kadieno Galilea. Dopugaumo ambado, “Waompu, gao mani tapoꞌawa bhe Yesus.”

Tula-tulando rasulu 12:20

Kolaki Herodes noꞌamaha sepaliꞌa ne miendo Tirus bhe Sidon. Dadiꞌanomo andoa maitu dopugau-gau dakumala dapoꞌawaane. Andoa dowudhu kadeki Blastus, neangkando kumahadhaano weo kamalino Herodes, nopotunduꞌaanda. Andoa desalo dapometaa hampano miendo Tirus bhe Sidon sadhia deꞌawa nehumaando nomaiꞌao we liwu neowano kolaki Herodes.

Tula-tulando rasulu 27:3

Nomentae taangkamo we kotano Sidon. Yulius nomalu sepaliꞌa lalono ne Paulus, sampe noꞌundaꞌaane nakumala namangkai sabhangkaꞌino neanomo naembali damaꞌane nefaraluuno.

Yudas 1:11

Dobalaamo andoa maitu! Andoa doangkafimo kaangkaꞌano Kain ⸤ mongkono aino⸥ . Sumanomo daeꞌawa dhoi, nokolilinomo totono lalondo tadoꞌoho wutondo ne modaiꞌano, tapedamo Bileam. Andoa dabinasa mbaꞌinomo dopoewangi bhe mintahano kuasa tapedamo Korah.

Powoha 11:3

Kaowu Idi amokuasamo dahodua sakusiiku dakosuaha nada anabii bhe daepake kadu ⸤ tandano kaguguhu⸥ nasehewu haa moꞌono nomo fulu oleo kaomponano.”

Powoha 6:12

Wakutuuno Anano Dhumba nolengka kafuluti kanomo iseno, taꞌawohamo nokadhadhiamo luali bhalano, oleo noꞌiꞌito pedamo kadu kaꞌito, o wula nodedea pedamo hea.