Matius 11:20 - Muna Southern Dialect

²⁰ Pada aitu Yesus nofeꞌalamo liwu-liwu kaehabuꞌano tanda tapa mentela, kapaꞌamo miina dametompaꞌao dhosando bhe dadumoli ne Lahataꞌala mahinggamo ne itu foliuꞌanomo kabhahi tanda nehabuno.

Matius 11:20 Iomraidhean Croise

Matius 12:41

Nahumato Oleono Kiama, miendo Niniwe dasiwanu-wanuꞌa bhe mie dhamani aini maka damoꞌalada. Kapaꞌamo miendo Niniwe dofetingke kaowu bhihita neowano anabii Yunus, dofetompaꞌaomo dhosando bhe dodoli ne Lahataꞌala. Sakotuꞌuno humatono ini noliuꞌe anabii Yunus.

Markus 16:14

Panda-pandano Yesus nofotiwoha Wutono ne anaguhuꞌino koompulu seemiendo, tangasano dohumaa. Nofeꞌalada mbaꞌinomo miina damarasaea, pakade notuꞌa fotundo sampe dongahe damarasaea ne mie mohae nopalusi kawanuꞌano.

Markus 9:19

Maka Yesus nopugaumo ambano, “Pahasili hintimiu ini, mie pata marasaeano! Tana seꞌae gahaꞌa beano so kaomponano aeate bhe hintimiu? Tana seꞌae gahaꞌa so sabahaku? Owaeꞌomu se ini anaꞌi itu.”

Tula-tulando rasulu 17:20

Kapaꞌamo mehatoꞌa kainsami tapaꞌo nefeti-fetingke mani. Dadiꞌanomo gao mani tamandeꞌaane dua o ae maꞌanano.”

2 Korintus 12:21

Nomihi laloku bhahasaa amai toha we hintimiu Lahataꞌala namekapanda kanau ne wisemiu, maka naokompeaha laloku hampano dobhahi ne olotamiu itu kodhosano endefiꞌini miinaꞌo bhe kofetompaꞌa. Andoa sadaa-daa dohabu kansuhu diu pokahaku, pokawite-wite bhe tapa mantasiꞌano.

Yakobus 1:5

Ane ne olotamiu nandoo bhe metompaloino kasabha maka miina naewoha dhala, naetaa naesalo ne Lahataꞌala maka tetewei namaꞌane fekihi moinda, kapaꞌamo kawaꞌaono Lahataꞌala nowaꞌanda kosasawindo manusia, nomaiꞌao ne kataano lalono bhe miina nafofoꞌalaa.

Powoha 16:11

Andoa dobhatataꞌiao Lahataꞌala te surugaa, hampano kaleano bhe kawisundo, tamaka miina dametompaꞌao podiu modaindo.

Powoha 16:9

Manusia titunuꞌaono kasodono oleo mobhibhiisano naꞌa, tadobhatataꞌiao neano Lahataꞌala kokuasano ne sabhaha balaa amaitu. Andoa miina dametompaꞌao podiundo so damekakalabhiaꞌao Lahataꞌala.

Powoha 2:21

Idi padamo awaꞌane kasalawa so nametompaꞌao podiu modaino, tamaka nokiido nametompaꞌao podiu pokawite-witeno maitu.