Matius 10:22 - Muna Southern Dialect

²² Hintimiu ini dabansikoomu sabhaha mie mbaꞌinomo neaku. Tamaka so kosabahano napotaami ampa namalusi, damosalamatida.

Matius 10:22 Iomraidhean Croise

Matius 10:39

Laꞌae so potaamiꞌano inawano, namiinae inawano. Tamaka laꞌae miinaeno inawa mbaꞌinomo noangkafi Idi, tetewei namehapi dadi mpuuno.

Matius 24:13

Tamaka andoa kosabahano dopotaami sampe namalusi, dasumalamati.

Matius 24:9

Humato anaꞌa dahumakokoomu, maka damowakoomu ne limando mie so modee-deekoomu maka damongkokoomu. Kosasawindo bansano liwu dabansikoomu mbaꞌinomo membaliomu anaguhuꞌiku.

Matius 5:11

Kodawuaꞌomu, ane damewambakikoomu, damodee-deekoomu bhe daꞌumumbuangkoomu modaiꞌano hampano angkafiomu Idi.

Markus 13:13

Hintimiu ini dabansikoomu sabhaha mie hampano neaku. Tamaka ane dakosabaha dapotaami ampa namalusi, dasumalamati.”

Lukas 21:17

Hintimiu dabansikoomu sabhaha mie hampano kaparasaeamiu ne Idi.

Lukas 21:19

Ane potaamiomu, sumalamatiomu bhe meꞌawaomu dadi sakotuꞌuno.”

Lukas 6:22

Kodawua mpuu ane dabansikoomu mie bhaimiu, ane dagumihasikoomu tawa dabihidhingikoomu bhe dasumambili neamiu ne modaiꞌano hampano mangkafiomu Anano Manusia.

Lukas 8:15

Mondawuꞌano ne wite menowu maꞌanano mie metingkeno bhoasaono Lahataꞌala, dofekataaꞌe mpuu weo totono lalondo metaaꞌano. Andoa dopotaami kansuhu ampa dokohasili.”

Yohanes 17:14

Idi padamo awaꞌanda bhoasaomu, tamaka dhunia dobansida hampano andoa suano fehebuaꞌano dhunia, pedamo dua Idi ini suano fehebuaꞌano dhunia.

Yohanes 7:7

Dhunia pae bhe kapooli dabansikoomua, tamaka dobansi Idi, hampano Idi sadhia afeꞌulaianda kadaino habundo.

Tula-tulando rasulu 9:16

Idi amotiwohaane kabhahino kakadee-dee so nenamisino mbaꞌinomo neaku.”

Roma 2:7

Namaꞌao dadi suhue dhamani ne mie kumampuu-mpuuno humabu metaano hampano deꞌondofi dadi tapa binasano, dadi kumalabhia bhe dadi tifosibhala.

2 Korintus 4:11

Maꞌanano, weo dadi mani ini sadhia taewiseki balaano mate hampano Yesus, neanomo dadino Yesus natiwoha dua weo mbadha kasara mani.

Galatia 6:9

Dadiꞌanomo koise dowoowulea dahumabu metaaꞌomu, kapaꞌamo nahumato tempono datumahimaomu pehapintoomu, sumanomo koise dofetumpuomu.

Ibrani 3:14

Kapaꞌamo intaodiomu ini dembalimo posabhangkaꞌano Kristus, sumanomo ampa kapuliaono namatangka fintahantoomu ne kaparasaea mpini kabhao-bhaono.

Ibrani 6:11

Gao mani mpuu hintimiu seemie-seemie motiwohaomu kansuhu kakampuu-mpuuno lalomiu ampa we kapuliaono, sampe neanta-antagimiu kotu-kotuꞌu nakoꞌulamo.

Yakobus 1:12

Nokodawua mpuu mie potaamino weo kasoba bhe kawudhu, kapaꞌamo ane namooli kaꞌudhino naeꞌawa kawaꞌao nefontaa-ntaa so fotalono, maꞌanano dadi suhue dhamani toka nedhandiꞌaono Lahataꞌala ne mie moasiane.

1 Yohanes 3:13

Bhahitieꞌiku, koemo menteomua ane mieno dhunia dabansikoomu.

Powoha 2:10

Koise moteꞌia ne kakadee-dee so neꞌawamiu! Tandaiꞌe, Kafeompuꞌando seetani naꞌumohofi seemie hodua ne olotamiu itu weo katohongku patudhuno nasumobakoomu, maka meꞌawaomu kasabha naompuluꞌa. Fintahakieꞌomu mpuu kaparasaeamiu mahingga mewisekiomu mate, maka amaꞌangkoomu dadi suhue dhamani mbali kawaꞌaondo fotalono.

Powoha 2:17

Kotingalano naetaa nametingke wambano Rohino Lahataꞌala ne tombudo umati. Sasuka fotalono amaꞌanda daomaa manna tifebuniꞌano; pakade amaꞌanda kontu kapute katibuhiꞌanomo nea buꞌou tapa nepandeꞌaondo mie sigaoꞌano, mpahinomo tumahimae.”

Powoha 2:26

Sasuka fotalono bhe dhumalangino kapoindaloku ampa kapuliaono, amaꞌane kuasa namahintangi sabhaha bansano liwu.

Powoha 2:3

Hintimiu sadaa-daa sabaha potaamiomu weo kakadee-dee hampano neaku, miina mepandeꞌaoꞌomu kawule angkafi kanauꞌomu.

Powoha 2:7

Kotingalano naetaa nametingke wambano Rohino Lahataꞌala ne tombudo umati. Sasuka fotalono amaꞌanda daomaa bhakeno sau meowano dadi weo kaendeano Lahataꞌala nekonando kaendeano Firdaus.”

Powoha 3:21

Sasuka fotalono amongkohae te kaengkohaꞌaku kumalabhiano ⸤ so damahintaꞌao⸥ dapoowa bhe Idi, pedamo dua Idi padamo afotalo maka aengkoha apoowa-owa bhe Amaku te kaengkohaꞌano kumalabhiano.