Matius 10:19 - Muna Southern Dialect

¹⁹ Ane damowakoomu ne fobhitahakino, koe nekenda-kenda handamiu nada amai tawa o ae so pugaumiu. Kapaꞌamo so pugaumiu itu damaꞌangkoeꞌomu wakutuu aitu dua.

Matius 10:19 Iomraidhean Croise

Matius 10:18

Hintimiu datumondakoomu ne wiseno kabhalano liwu bhe kafeompuꞌa mbaꞌinomo kaparasaeamiu ne Idi. Aini somo katolalamiu membaliomu sakusiiku ne andoa bhe mie tapaꞌo mandeꞌaono Lahataꞌala.

Matius 6:25

“Dadiꞌanomo amohatokoomu, koise nomihi lalomiu ne kadadiꞌamiu, momaaꞌomu ae tawa mohoꞌuomu ae. Koise dua nomihi lalomiu ne mbadhamiu bhahaꞌi mepakeomu ae. Ingka noliuꞌe dadi ini bhe oti, noliuꞌe dua mbadha bhe pakea.

Matius 6:31

Dadiꞌanomo koe nomihi lalomiu bhe pugauꞌomu, ‘Daomaa ae?’, ‘daohoꞌu ae?’ tawa ‘daepake ae?’

Matius 6:34

Dadiꞌanomo koe nomihiane lalomiu oleo naewine, kapaꞌamo oleo naewine bhe kasabhano dua wutono. Seꞌoleo-seꞌoleo bhe kasabhano wutono, koemo dotubha-tubhahiea.”

Lukas 12:11

Ane daowakoomu weo lambu kasambaheaꞌa dabhitahakikoomu, ne wisendo pamarinta tawa ne wisendo kabhala, koemo nekenda-kenda handamiu bhahaꞌi nada amai potunduꞌao wutomiu tawa pugauꞌaoꞌomu ae.

Lukas 12:12

Kapaꞌamo wakutuu aitu dua namoinaꞌukoomu Rohino Lahataꞌala o ae so nepugauꞌaomiu.”

Tula-tulando rasulu 6:10

Tamaka andoa ini miina datumanggoa doewangi pugauno Stefanus, hampano Rohino Lahataꞌala maꞌane kapande.

Filipi 4:6

Koe nokamihi-mihi lalomiu ne ae maka dua. Tamaka sadhia foampeomu kamesalomiu ne Lahataꞌala weo sambahea bhe neatimiu. Kafaraluumiu naꞌa fohatoaneomu Lahataꞌala weo katumpuno lalomiu.

2 Timotius 4:17

Tamaka Ompu nopobhai kanau kansuhu, nofekatangkae laloku sampe ampuu-mpuunie aefolele kosasawiꞌae Bhihita Metaa mbali dofetingke kosasawindo mie suano Yahudi. Kanandooꞌanomo asalamati maiꞌao ne balaano mate.

Yakobus 1:5

Ane ne olotamiu nandoo bhe metompaloino kasabha maka miina naewoha dhala, naetaa naesalo ne Lahataꞌala maka tetewei namaꞌane fekihi moinda, kapaꞌamo kawaꞌaono Lahataꞌala nowaꞌanda kosasawindo manusia, nomaiꞌao ne kataano lalono bhe miina nafofoꞌalaa.