Matius 10:16 - Muna Southern Dialect

¹⁶ “Tandaiꞌeomu! Atumudukoomu kumalaomu nada dhumba monaleno damesua ne wunta-wuntando daꞌu ngkahoku. Dadiꞌanomo tabeano mengkowaweomu nada ule bhe naelaa lalomiu nada dhaadhaha.

Matius 10:16 Iomraidhean Croise

Matius 24:25

Tandaiꞌeomu! Kosasawiꞌae padamo afohatoangkoeꞌomu wawo inia.

Matius 24:45

“Laꞌae bhahaa bhatua motuhuno lalo bhe mandeno maitu? Anoamo maitu nesangkeno kafeompuꞌano so neangkando bhatua bhaino, naetaganaanda daomaa napobutu bhe tempono.

Matius 25:2

Lidimano dokabhohe-bhohe, lidimano dopande.

Matius 25:4

Kalambeꞌi mandeno dewowoꞌo kantalea pakade dewowoꞌo dua bhe minando ne kaenteiꞌa sigaoꞌano.

Matius 25:9

Tamaka kalambe mandeno tadotobhoosi, ‘Paise, bhahaa pae nakumapo so wuto mani bhe so hintimiu. Labhiꞌano kala meꞌoliomu we mahaasono.’

Lukas 10:3

Kalamoomu, atudukoomu ini tapedamo anano dhumba monaleno damesua ne wunta-wuntano daꞌu ngkahoku.

Lukas 21:15

Kapaꞌamo wutoku so maꞌangkoomu pugau kotimbangi, sampe kosasawindo kaewamiu paise damondoiꞌea dapoewangiane tawa dagumagai pugaumiu.

Tula-tulando rasulu 20:29

Apandeꞌaane dua, akumundo kaowu, o daꞌu ngkahoku fohumaano namesuakikoomu maka pae naegana-ganaa nadumai-dai kaseꞌiseno umati.

1 Korintus 14:20

Bhahitieꞌiku, koise kofekihiomu peda anaꞌi. Ne modaiꞌano membaliomu peda kaana-anaꞌi, tamaka weo fekihimiu membaliomu mie ngkolalo.

2 Korintus 1:12

Nowose bhake mani hampano totono lalo mani kumatanga-tangano nofohato kainsami putae nokotuꞌu dadi mani ne dhunia ini, ingka tadhalangie weo kangkilo bhe kahelasino lalo maiꞌaono ne Lahataꞌala, mangke-mangke dadi mani pokaiꞌano bhe hintimiu. Katidhalangiꞌano miina tamangkafi kapandedo manusia, tamaka tapasande ne rahamatino Lahataꞌala.

2 Korintus 11:14

Pae damentea, kapaꞌamo mahingga Kafeompuꞌando seetani nesahangkamo ne malaꞌekatino tilanga.

2 Korintus 11:3

Ampamo kaowu nomihi laloku bhahasaa dofekakolilino fekihimiu sampe paemo nakumampuu-mpuu kataino lalomiu ne Kristus, peda endefiꞌini Hawa nobhohe-bhoheꞌie akalano ule.

2 Korintus 8:20

Gao mani pae bhe so moꞌala kainsami weo dhalangiꞌano taka mani ini hampano hasilino nobhahi sepaliꞌa.

Filipi 2:15

Ane nada anaꞌa motiwohaemoomu ingka hintimiu anaꞌino Lahataꞌala tapa kodengo-dengono, metaano diu bhe melaano lalo, dumadino ne wunta-wuntando mie dhamani aini, kosikadhi modaino bhe kolilinono totono lalo. Hintimiu membaliomu tapedamo kulipopo te lani kotilangano ne wunta-wuntando andoa maitu,

Kolose 1:9

Dadiꞌanomo notanda tafetingke peda naꞌa, miina bhe fengaasia tasambaheaꞌangkoomu. Taesalo sio-siomo Rohino Lahataꞌala namaꞌangkoomu timbangi bhe pomaꞌana metaa, neanomo lumosangieꞌomu mpuu kapoindalono Lahataꞌala.

Kolose 4:5

Pedamo pokaiꞌamiu bhe mie tapa marasaeano, dadi kotimbangiomu. Kotika bhe kasalawa, pake metaaꞌeomu.

1 Tesalonika 2:10

Dadi mani ne olotamiu marasaeano ne Kristus nongkilo, nobanara bhe miina nakodengo-dengoa. Ingka kosasawiꞌae ini wohaaneomu wuntano matamiu; ingka Lahataꞌala nosakusiiane dua.

1 Tesalonika 5:22

Fekakodoꞌo wutomiu ne sabhaha modaiꞌano.