Matius 10:1 - Muna Southern Dialect

¹ Yesus nebhasi anaguhuꞌino doompulu hodua maka nowaꞌanda kuasa daefolimba seetani, daefekasali sabhaha saki bhe kadaino namisi.

Matius 10:1 Iomraidhean Croise

Matius 19:28

Ambano Yesus, “Amohatokoomu, kotu-kotuꞌu nahumato tempono dhunia buꞌou, Anano Manusia - Idimo ini - naengkoha-ngkoha ne kaengkohaꞌano omputo weo kakalabhiano. Ne naꞌa hintimiu toka mangkafi kanau, mengkohaomu dua te kaengkohaꞌa ompulu haa onuno somo mandeꞌaono ompulu haa onu sampuꞌano miendo Israel.

Matius 26:20

Nohondo oleo Yesus nengkohamo nohumaa nopombali-mbali bhe anaguhuno ompulu hoduano.

Matius 26:47

Tangasano Yesus nopugau, nohatomo Yudas, seemie maiꞌaono ne anaguhuno ompulu hoduano. Yudas maitu nohato nopoowa bhe mie bhahi metaguno kampue bhe kawangku. Mie bhahi naꞌa dotududa neangkaꞌindo imamu bhe kamungkulaꞌindo Yahudi.

Matius 4:23

Yesus noangkai kosekaꞌewaꞌae kadieno Galilea, nofofoinaꞌu ne lambu-lambu kasambaheaꞌa. Anoa nefolele Bhihita Metaa Kafopahintaꞌano Lahataꞌala, poowa nefekaꞌosa sabhaha mie mosaki bhe modaino namisi ne liwu aitu.

Matius 6:13

Koise folapasa kainsami weo kasoba, tamaka dhagani kainsami ne kuasa modai. [Kapaꞌamo Hintumo mahintano, kokuasano bhe kumalabhiano ampa suhue dhamani. Amin.]’

Matius 9:35

Pedamo aitu, Yesus noliligi kota bhe liwu ne itu, nofofoinaꞌu weo lambu kasambaheaꞌa bhe nefolele Bhihita Metaano Kafopahintaꞌano Lahataꞌala, poowa nefekasali sabhaha saki bhe kadaino namisi.

Matius 9:38

Dadiꞌanomo mesaloomu ne kokaampono naꞌa, naetudu mie dakumala datumobhe.”

Lukas 10:19

Ingka padamo awaꞌangkoomu kuasa so mefindaꞌiꞌaoꞌomu ule bhe sabhaha kaꞌuhi kobisa. Awaꞌangkoomu dua kapooli so tumaloꞌaoꞌomu kuasano kaewamiu sampe paise bhe so kobalaaꞌano ne wutomiu.

Lukas 21:15

Kapaꞌamo wutoku so maꞌangkoomu pugau kotimbangi, sampe kosasawindo kaewamiu paise damondoiꞌea dapoewangiane tawa dagumagai pugaumiu.

Lukas 24:49

Mada kaowu o Idi amakatuangkoomu toka nedhandiꞌaono Amaku. Ampamo kaowu hintimiu tetewei meateomu weo kota ini sampe nakumabhintikoomu kuasa namaiꞌao te surugaa.”

Lukas 6:13

Nomentae nosaliꞌimo anaguhuꞌino dahumatoe maka nepili ne olotando andoa maitu doompulu hodua. Andoa maitu nokonadamo rasulu.

Yohanes 17:2

Kapaꞌamo ingka Anamu padamo waꞌane kuasa ne kosasawindo manusia, neanomo Anamu namaꞌanda dadi suhue dhamani ne kosasawindo manusia toka newaꞌaomu ne Anoa.

Yohanes 3:27

Ambano Yohanes, “O ae maka dua neꞌawano seemie manusia, o kadawu maiꞌao ne Lahataꞌala.

Yohanes 3:35

Amano noasiꞌao Anano sampe kosasawiꞌae kuasa nofopuliemo ne Anano.

Yohanes 6:70

Notobhoosimo Yesus ambano, “Ingka Idimo ini milikoomu koompulu hoduamiu itu, tamaka seemie ne olotamiu itu seetani.”

Tula-tulando rasulu 1:8

Ampamo kaowu, nahumato nasumampu Rohino Lahataꞌala, hintimiu meꞌawaomu kuasa, maka membaliomu sakusiiku we Yerusalem, we kadieno Yudea, we kadieno Samaria ampa we tompano dhunia.”

Tula-tulando rasulu 19:15

Tamaka seetani tanotobhoosida ambano, “Yesus apandeꞌaane, Paulus afengkanaꞌane dua, tamaka laꞌae gahaꞌa hintimiu ini?”

Powoha 12:1

Tanotiwohamo tanda bhalano timenteꞌaono te lani: seemie hobhine, pakeano o oleo, o wula we pandano aꞌeno, ne fotuno nefokana songkono omputo nomaiꞌao ne ompulu haa ulu kulipopo.