Matius 1:21 - Muna Southern Dialect

²¹ Maria nakoanaꞌao moꞌane, maka kumonae Yesus, kapaꞌamo Anoamo so mosalamatino umatino maiꞌao ne dhosando.”

Matius 1:21 Iomraidhean Croise

Matius 1:25

Ampamo kaowu, Yusuf miina napomoodofianea ampa nofolente anano maitu. Anaꞌi aitu nokonae Yesus.

Lukas 1:13

Tamaka malaꞌekati anaꞌa nopugaumo ambano, “Koe moteꞌia Zakaria, kapaꞌamo sambaheamu notitahimamo. Hobhinemu Elisabet naefolenteangko seemie anaꞌi moꞌane maka tabeano kumonae Yohanes.

Lukas 1:31

Hintu fowoowa maka koanaꞌao seemie moꞌane bhe tabeano kumonae Yesus.

Lukas 2:11

Sealo itu we kotano Daud nolentemo so hintimiu Omputo Fosalamatino, Ompu Kristus.

Lukas 2:21

Nokapo alu oleo, anaꞌi anaꞌa dosunaemo, neano dokonae Yesus. Neamo aini nefohatoꞌaono malaꞌekati wakutuuno miinaꞌo nawoowae inano.

Yohanes 1:29

Nomentae Yohanes nowohamo Yesus nomaiꞌie. Nopugaumo ambano, “Ondoeꞌomu Anano Dhumbano Lahataꞌala, tumolosino dhosano dhunia.

Yohanes 4:42

Dopugaumo ne hobhine amaitu ambado “Insaodi taparasaea suano mbaꞌinomo tafetingke pugaumu, tamaka hampano tafetingkeꞌao wuto mani ne Anoa. Aitu tapandeꞌaanemo Anoamo ini kotu-kotuꞌu Mosalamatino dhunia.”

Tula-tulando rasulu 13:23

Nomaiꞌaomo ne sampuꞌano Daud ini, Lahataꞌala nofoehemo Omputo Fosalamatino mbali miendo Israel, noposahataa bhe dhandino. Anoamo naꞌa koneaꞌano Yesus.

Tula-tulando rasulu 3:26

Dadiꞌanomo Lahataꞌala nofoehemo palima-limano, maka notudue wawo ne hintimiu neowaangkoomu kabarakati. Kabarakati anaꞌa, maꞌanano Anoamo so matokoomu metompaꞌaoꞌomu sabhaha podiu modaimiu seemie-seemie.”

Tula-tulando rasulu 4:12

Ampamo kaowu Yesus fosalamatino, kapaꞌamo te dhunia ini we simbalino Anoa bhe naseemie miina bhe meꞌawano kuasa maiꞌaono ne Lahataꞌala so nafofosalamatiꞌao.”

Tula-tulando rasulu 5:31

Anoamo nesangkeno Lahataꞌala bhe nowaꞌanemo kuasa mbali Neangka bhe Omputo Fosalamatino, neanomo miendo Israel dametompaꞌao diundo modaino, so notiꞌamponiꞌao dhosando.

Titus 2:14

Anoa padamo noowa Wutono sampe dopongkoe so intaodiomu, mbali nofofobebasiꞌao maiꞌao ne sabhaha podiu modai. Patudhuno dua naefokonandooꞌao umati mongkilono, so fehebuaꞌano Wutono, umati mokokosono humabu metaano.

Ibrani 7:25

Dadiꞌanomo Yesus nopooli nofosangka mpuu kasalamatindo manusia maino ne Lahataꞌala doangka ne Anoa. Kapaꞌamo Anoa nodadi suhue dhamani mbalimo fosambaheaꞌaono ne Lahataꞌala.

1 Yohanes 1:7

Tamaka ane dodadiomu ne mentaleaꞌano peda Anoa dumadino weo tilanga, ingka doseꞌisemoomu bhe mie bhaintoomu, maka heano Yesus, Anano Lahataꞌala, nofekanggela kaitaomu maiꞌao ne sabhaha dhosa.

1 Yohanes 3:5

Ingka pandeꞌaanemoomu Kristus nomai notolosi dhosando manusia, Anoa miina nakodhosaa.

Powoha 7:14

Ambaku, “Waompu, ingka hintumo mandeꞌaane!” Maka nopugau toha ambano, “Andoa ini mie lumimbano maiꞌao ne tempono kasabha bhalano, dhubando padamo dotofae ampa nopute weo heano Anano Dhumba.