Markus 9:7 - Muna Southern Dialect

⁷ Gahaꞌa nokaolumidamo olu, maka nomaiꞌao weo olu maitu notifetingkemo suaha ambano, “Ainiꞌaemo anaku nemoasiꞌaoku. Fetingkeeꞌomu pugauno.”

Markus 9:7 Iomraidhean Croise

Matius 27:43

Ingka noposahunaꞌao ne Lahataꞌala. Ane namoindaloe, naetaamo Lahataꞌala so mosalamatie. Kapaꞌamo padamo nopugau, ‘Idi ini Anano Lahataꞌala.’ ”

Matius 27:54

Neangkando tantara bhe tantara dhumaganino Yesus doteꞌi sepaliꞌa dowoha lualino wite bhe sabhaha kumadhadhiaꞌano sampe dopugau ambado, “Kotu-kotuꞌu mie aini Anano Lahataꞌala.”

Matius 3:17

Tanotifetingkemo dua suaha nomaiꞌao te lani ambano, “Ainimo Anaku timoasiꞌaono, neposahasiꞌaono laloku.”

Markus 1:11

Notifetingkemo dua suaha nomaiꞌao te lani ambano, “Hintumo Anaku timoasiꞌaono, Hintumo mekaꞌiano laloku.”

Markus 9:6

Kapugauꞌano peda maitu, mbaꞌinomo miina namandeꞌaane bhahaꞌi napugauꞌao ae, kaꞌosano kateꞌindo.

Markus 9:8

Setolindaꞌa, dofolili matando miinamo dakoniwohaa, tamo Yesus nomoisa.

Lukas 3:22

maka Rohino Lahataꞌala nosampu te wawono nokatu futeꞌo. Tanotifetingkemo dua suaha nomaiꞌao te lani, ambano “Hintumo Anaku timoasiꞌaono, Hintumo posahasiꞌaono laloku.”

Yohanes 1:34

Idi awohaꞌaomo wuntano mataku, dadiꞌanomo asakusiiane Anoamo ini Anano Lahataꞌala.”

Yohanes 1:49

Ambano Natanael, “Guru, Hintu Anano Lahataꞌala, Hintumo Omputono Israel.”

Yohanes 12:28

Ama, fekakalabhia neamu.” Maka notifetingkemo suaha maiꞌao te lani, “Padamo afekakalabhiaꞌe, maka amekakalabhiaꞌe toha.”

Yohanes 19:7

Ambado miendo Yahudi, “Insaodi bhe tubhono agama mani; ane damangkafi tubho anaꞌa, tetewei namate mbaꞌinomo nokona wutono Anano Lahataꞌala.”

Yohanes 20:31

Ampamo kaowu kosasawiꞌae ini padamo dobuhie neanomo hintimiu ⸤ mebasano bhe metingkeno⸥ marasaeaꞌomu putae Yesus maitu Omputo Fosalamatino, Anano Lahataꞌala; neanomo dua hampano kaparasaeamiu ne Anoa meꞌawaomu dadi.

Yohanes 5:18

Dofetingke peda maitu miendo Yahudi tanodhulu dokopatudhu damongkoe, suano kaowu nelempagi tubhono oleono Sabat, tamaka mbaꞌinomo nokona Lahataꞌala Amano, maꞌanano nopototoꞌao wutono bhe Lahataꞌala.

Yohanes 5:37

Amaku tumudu kanau, Anoamo sumakusii kanau. Hintimiu miina metingkeomu suahano, miina dua mohaomu ulano.

Yohanes 6:69

Insaodi taparasaeamo bhe tapandeꞌaanemo Hintumo mie mongkilo Katuduno Lahataꞌala.”

Yohanes 9:35

Nofetingke kaowu mie anaꞌa dogihasiemo, Yesus nokalamo noꞌondofie. Nopoꞌawaane kaowu nopugaumo ambano, “Parasaea bhahaa ne Anano Manusia?”

Tula-tulando rasulu 1:9

Pada nopugau peda naꞌa, notisangkemo ne wisendo; sampe noꞌontomie olu maka miina damohaea.

Tula-tulando rasulu 7:37

Anoamo dua ini mugauno ne miendo Israel, ‘Namada kaowu Lahataꞌala naefoeheangkoomu seemie anabii peda idi ini namaiꞌao ne bhahitieꞌimiu.’

Tula-tulando rasulu 8:36

Andoa dokala kansuhu, gahaꞌa dehatomo koꞌoeꞌano. Ambano kabhala maitu, “Ingka inia o oe, nandoo bhahaa nekaemiku ane dakumadiu kanaumoa?”

Roma 1:4

Tamaka Rohino Lahataꞌala nofotiwohae putae Anoa Anano Lahataꞌala, nokokuasa hampano nowanu maiꞌao ne mate.

Ibrani 2:1

Dadiꞌanomo intaodiomu tabeano sedhuluꞌa damintahakie kafoinaꞌu toka nefetingkentoomu, bhahasaa nowowoꞌo kaita solo.

2 Petrus 1:17

Insaodi tawohaꞌao wuntano mata mani Yesus netahima kakalabhia bhe kafosibhala ne Lahataꞌala Amano. Wakutuu anaꞌa notifetingke suahano Foliuno Kakalabhia nokobhoasao ne Anoa ambano, “Anoamo ini anaku timoasiꞌaono, neposahasiꞌaono laloku.”

1 Yohanes 5:20

Dopandeꞌaanemo dua Anano Lahataꞌala padamo nomai we dhunia ini, nowaꞌa kaitaomu kapooli damandeꞌao Anoa banarano. Intaodiomu dodadi doseꞌise bhe Lahataꞌala, doseꞌise dua bhe Yesus Kristus, Anano. Anoamo itu Lahataꞌala sakotuꞌuno, Anoamo dua meowano dadi suhue dhamani.

Powoha 1:7

Ondo kaitaomu, Anoa nahumato te olu kapute bhe sabhaha mie daohae, mahinggamo andoa mada kumahadae. Kosasawindo bansano liwu ne dhunia ini daoꞌaefie. Uumbe mpuu. Amin.