Markus 9:32 - Muna Southern Dialect

³² Anaguhuꞌino miina dalumosangiea pugauno, tamaka doteꞌi dameenae.

Markus 9:32 Iomraidhean Croise

Markus 16:14

Panda-pandano Yesus nofotiwoha Wutono ne anaguhuꞌino koompulu seemiendo, tangasano dohumaa. Nofeꞌalada mbaꞌinomo miina damarasaea, pakade notuꞌa fotundo sampe dongahe damarasaea ne mie mohae nopalusi kawanuꞌano.

Markus 7:18

Yesus notobhoosidamo ambano, “Gahaꞌa, hintimiu ini miina dua lumosangieꞌomua? Miina mandeꞌaaneomua gahaꞌa oti mesuaꞌano we lalondo manusia miina nafofekaharamua,

Markus 8:33

Yesus nodoliki anaguhuꞌino maka nofeꞌala Petrus ambano, “Gampi seetani! Nefekihimu itu suano nefekihino Lahataꞌala, tamaka nefekihino manusia.”

Markus 9:10

Andoa doangkafie pugauno, tamaka tadopofee-feenamo ambado, “O ae bhahaa maꞌanano namanu maiꞌao ne mate?”

Lukas 18:34

Tamaka kosasawiꞌae naꞌa miina dalumosangiea anaguhuꞌino. Maꞌanano pugauno maitu notifebuni ne andoa, sampe miina damandeꞌaanea o ae patudhuno.

Lukas 2:50

Tamaka andoa miina dalumosangi maꞌanano pugauno naꞌa.

Lukas 24:45

Pada anaꞌa Yesus nolengkamo fekihindo sampe dolosangiemo wambano Kitabi.

Lukas 9:45

Anaguhuꞌino miina damandeꞌaanea maꞌanano pugauno naꞌa hampano nandoo notifebuni so andoa, tapamo katilosangiꞌano. Andoa miina dua daokadoa dameenaꞌao maꞌanano pugauno naꞌa.

Yohanes 12:16

Wakutuu anaꞌa anaguhuꞌino miina dalumosangiea, tamaka nopalusi notiwoha kakalabhiano Yesus ⸤ ne mateno⸥ , kaneꞌomo dofeꞌulaiꞌe putae tibuhino naꞌa nopulaoꞌao Anoa, ingka padamo dua dodhalangie.

Yohanes 16:19

Gahaꞌa Yesus nopandeꞌaane patudhundo dameenae, dadiꞌanomo nopugaumo ambano, “Bhahaa pofee-feenaꞌao pugauku saꞌituini, ‘Tana sebantaha paemo moha kanauꞌomu, tana sebantaha toha moha kanaumoomu dua’?

Yohanes 4:27

Tangasano dopuga-pugau, dohatomo anaguhuꞌino. Andoa domente sepaliꞌa dowoha Yesus nopuga-pugau bhe seemie hobhine, tamaka bhe seemie miina bhe meenano ne hobhine naꞌa, “Meꞌondofi ae?” Miina dua dameena ne Yesus noafaꞌao dua nopuga-pugauꞌao bhe hobhine amaitu.