Markus 9:24 - Muna Southern Dialect

²⁴ Amano anaꞌi naꞌa lasao nokei, “Aparasaea Ompu! Tamaka tulumi kanau weo kakaeno kaparasaeaku ini!”

Markus 9:24 Iomraidhean Croise

Markus 9:23

Notobhoosi Yesus, “Noafa gahaꞌa pugauꞌao, ‘Ane moolie’? Sumanomo doparasaea, o ae maka dua tetewei dopoolie!”

Markus 9:25

Yesus nowohamo mie dodhulu kabhahi dolibuda, maka noꞌamahaki seetani maitu ambano, “Hintu seetani! Mefobhohe bhe mefopongke mie! Atuduko limbaꞌo toha maiꞌao ne anaꞌi aini, maka koemo suli-sulikiea!”

Lukas 17:5

Dopugaumo rasuluꞌi ne Ompu Yesus ambado, “Tubhahie kaparasaea mani.”

Lukas 7:38

Nohato neehe-ehemo we kundono Yesus ne owano aꞌeno bhe noꞌae. Luuno nopotuhu ne aꞌeno Yesus maka noꞌapuleiane wuluno fotuno bhe nowonoe. Aꞌeno Yesus naꞌa nominakianemo dua mina-mina kawondu saꞌituini.

Lukas 7:44

Poowa nodoli ne hobhine naꞌa, Yesus nopugaumo ne Simon ambano, “Wohae bhahaa hobhine aini? Idi apesua weo lambumu, tamaka miina maꞌa kanau oe so amewaniuꞌao aꞌeku. Gahaꞌa hobhine aini nobhehei aꞌeku nopake luuno maka noꞌapuleiane wuluno fotuno.

Tula-tulando rasulu 10:19

Tangasano Petrus nofesuhui maꞌanano powohano saꞌituini, nofohatoemo Rohino Lahataꞌala, “Bhe mie umondofiko dohodua.

Tula-tulando rasulu 10:31

Ambano mie anaꞌa, ‘Kornelius, sambaheamu bhe katulumimu ne mie mokaeno notahimaemo Lahataꞌala maka Lahataꞌala nofeꞌulaikomo dua.

2 Korintus 2:4

Wakutuu abuhi suha anaꞌa, nosabha handaku, noꞌuke bhe afeenei, nopontuhufi bhe luuku. Suano patudhuku so nokompeahaꞌao lalomiu, tamaka neanomo mandeꞌaaneomu kabhalano kanini kaasiku ne hintimiu.

Efesus 2:8

Katifosalamatiꞌamiu hampano rahamatino Lahataꞌala, noangka ne kaparasaeamiu ne Kristus. O kasalamati maitu suano hasilino kahadhaano wutomiu, tamaka kotu-kotuꞌu katohaino Lahataꞌala.

Filipi 1:29

Kapaꞌamo Lahataꞌala padamo nowaꞌangkoomu rahamati suano kaowu marasaeaꞌomu, tamaka dua menamisiomu kakadee-dee so Kristus.

2 Tesalonika 1:11

Dadiꞌanomo sadhia tasambaheaꞌangkoomu, sio-siomo Lahataꞌala namabhi dadimiu naposahataa bhe kapoindalono, mantasiꞌanomo so mie toka nebhasino. Sio-siomo dua weo kuasano, Lahataꞌala namekakoꞌulaangkoomu patudhu metaamiu bhe namosangkaangkoomu sabhaha kahadhaano kaparasaeamiu.

2 Tesalonika 1:3

Bhahitieꞌiku, insaodi tabeano sadhia taefoampe katumpuno lalo ne Lahataꞌala mbaꞌinomo hintimiu. Daanumo nopantasimo peda anaꞌa, kapaꞌamo kaparasaeamiu saꞌende-ende, pomoni-moniniꞌa sapada-pada hintimiu seemieno bhe seemieno dhulu kamatangka.

2 Timotius 1:4

Afeꞌulai kaowu ndawuno luumu, nokamba laloku apoꞌawaangko toha, nosungkuꞌao kaꞌiaku.

Ibrani 12:17

Ingka pandeꞌaaneomu, pada anaꞌa Esau gaono sumuli natumahima kabarakatino tamaka ⸤ amano⸥ miina naꞌumundaa. Kapaꞌamo mahingga nopotuhu bhe luuno neꞌondofi kasalawa namekataaꞌi kaꞌalano maitu, miinamo bhe dhalanoa.

Ibrani 12:2

Poowa bhe tendentoomu, ondo kaitaomu kansuhu te wise, te Yesus. Anoamo melengka kaita kaangkaꞌano kaparasaea, Anoamo dua so mosangkano kaparasaeantoomu. Yesus netaami kakadee-dee te sau salipu bhe miina naoheruane putae domate te sau salipu maitu giu timoambanoꞌaono, hampano sehonda-honda nefeꞌulaino: te wiseno nandoo kawulano lalo bhalano so netahimano. Ampa aitu Anoa nengkohamo ne suanano kaengkohaꞌano kumalabhiano Lahataꞌala.

Ibrani 5:7

Weo dadino peda seemie manusia, Yesus padamo nefoampe sambahea bhe kamesalo ne Lahataꞌala poowa nokei nopontuhufi bhe luuno, ingka Lahataꞌala kokuasano mosalamatie maiꞌao ne mate. Hampano kalebeno dadino, Lahataꞌala nofetingkee.