Markus 8:25 - Muna Southern Dialect

²⁵ Yesus nofedampa toha matano mie aitu, maka matano notilengka, netaamo kofowohanoa. Sabhaha newohano nentaleamo bhe notindamo.

Markus 8:25 Iomraidhean Croise

Matius 13:12

Kapaꞌamo kokanandoono datumubhahiane ampa napontalabhi-labhi, tamaka tapa kokanandoono, o ae maka dua kanandoono damadae damalaꞌie.

Markus 8:24

Mie anaꞌa noꞌondomo te wise maka nopugau ambano, “Uumbe, awohamo mie dekala-kala, tamaka kabeangaꞌida puꞌuno sau.”

Markus 8:26

Pada anaꞌa Yesus notuduemo nasumuli se lambuno tamaka nofohatoe ambano, “Koemo sulia se liwu saꞌituini!”

Tula-tulando rasulu 1:10

Tangasano dototohana te lani doꞌondo-ondo Yesus tisangkeno naꞌa, tadosihatoꞌamo mie dohodua. Dohato deehe-ehe ne sohihindo; pakeando sakapu-kapute, maka dopugau ambado,

Tula-tulando rasulu 14:9

Anoa nofetingke dua pugauno Paulus. Gahaꞌa Paulus notontoe, wohaꞌano kaparasaeano mie aini naembali naoꞌosaane.

Filipi 1:6

Aparasaea mpuu Lahataꞌala tumandakino kahadhaa metaa weo totono lalomiu ini, namokansuhue dua ampa natumoka ne oleo so kahatoꞌano Kristus Yesus.

1 Petrus 2:9

Tamaka hintimiu bansano liwu tipilino, imamu meompuno ne Omputo, bansano liwu mongkilono, umati fehebuaꞌano wutono Lahataꞌala. Lahataꞌala nopilikoomu bhe nobhasikoomu maiꞌao weo kahohondo pesuaꞌomu weo kantalea kumalabhiano, neanomo moleleeꞌomu sabhaha habuno timenteꞌaono.

2 Petrus 3:18

Naetaa mpuu modhuluomu kabhala bhe kamatangkamiu weo kanini kaasino Yesus Kristus, Ompu bhe Fosalamatino, bhe nasedhuluꞌa dua mandeꞌaaneomu. Nopantasi mpuu damosibhalae haꞌoleo ini ampa suhue dhamani! Amin.