Markus 8:21 - Muna Southern Dialect

²¹ Pada anaꞌa Yesus nopugaumo toha ambano, “Peda ae? Miinaꞌo dua lumosangieꞌomu gahaꞌa?”

Markus 8:21 Iomraidhean Croise

Markus 6:52

Kapaꞌamo mahingga dowohaemo, miinaꞌo dalumosangie maꞌanano nehabuno Yesus ne lima onu roti maitu, notosungku fekihindo.

Markus 8:12

Pada nokaꞌuu we lalono, Yesus notobhoosidamo ambano, “Noafa gahaꞌa mie dhamani aini desaloꞌao tanda timenteꞌaono? Amohatokoomu, paise! Pae sepaliꞌa aehabuanda tanda kamesalondo.”

Markus 8:17

Gahaꞌa Yesus nopandeꞌaane dua nepuga-pugauꞌaondo maitu, dadiꞌanomo nofeenadamo ambano, “Noafa gahaꞌa pugauꞌaoꞌomu miina bhe rotia? Miinaꞌo mandeꞌaaneomua gahaꞌa? Miinaꞌo dua lumosangieꞌomua? Ingka notosungku sepaliꞌa fekihimiu!

Markus 8:22

Yesus bhe anaguhuꞌino dohatomo we Betsaida. Ne itu deowaane seemie kabunto maka desalo namedampae.

Markus 9:19

Maka Yesus nopugaumo ambano, “Pahasili hintimiu ini, mie pata marasaeano! Tana seꞌae gahaꞌa beano so kaomponano aeate bhe hintimiu? Tana seꞌae gahaꞌa so sabahaku? Owaeꞌomu se ini anaꞌi itu.”

Yohanes 14:9

Ambano Yesus, “Filipus, ingka nomponamo dua apobhaiangkoomu, gahaꞌa miina mandeꞌa kanau? Sasuka mohano Idi nowohamo dua Amaku. Peda amai dua pugau, ‘Fotiwoha kainsami Amamu’?

1 Korintus 15:34

Pandeꞌao toha lalomiu, fetumpuomu mehabuomu dhosa! Ingka nandoo ne olotamiu itu tapaꞌo mandeꞌaono Lahataꞌala. Kapugauꞌaku peda ini neanomo mepandeꞌaoꞌomu dua bhe kaambano.

1 Korintus 6:5

Kapugauꞌaku peda aini so moambanoꞌaoꞌomu. Bhahaa miina bhe mie kotimbangino ne olotamiu itu so mandeno mebhitahakino parakarando umati?