Markus 8:2 - Muna Southern Dialect

² “Nobhelaanda sepaliꞌa laloku mie bhahi ini. Tolu oleomo doangkafi kanau, miinamo dakoꞌotia.

Markus 8:2 Iomraidhean Croise

Matius 14:14

Hato nosede, Yesus nowohamo mie bhahi maitu. Anoa nobhelaanda lalo sampe mie mosakino nofekaꞌosada.

Matius 20:34

Nobhela sepaliꞌa totono lalono Yesus, maka nofedampa matando lasao dofowoha. Pada anaꞌa doangkafimo Yesus.

Matius 9:36

Nowoha mie bhahi maitu, Yesus nobhelaandamo lalono, kapaꞌamo dongawamo bhe miinamo dakototonolaloa, tapedamo dhumba tapa kodhagaꞌano.

Markus 1:41

Hampano nobhela lalono, Yesus nofonsoho limano maka nofedampae bhe nopugau, “O Idi aꞌunda, moꞌosaꞌo toha.”

Markus 5:19

Tamaka Yesus miina naꞌumundaꞌaanea, tanopugaumo ambano, “Sulimo we lambumu! Fohatoda saliwumu peda ae kabhalano kaasino Ompu ne hintu, nehabuangko giu pata mentela.”

Markus 6:32

Dadiꞌanomo dokalamo domoisa we molinoꞌano, dosawi ne bhangka.

Markus 6:34

Nosampu nomaiꞌao ne bhangka, Yesus nowohamo kantawundo mie naꞌa. Nobhelaandamo lalono mbaꞌinomo andoa ini tapedamo gulumano dhumba pata kodhagano, sampe nobhahi toha nofoinaꞌuda.

Markus 8:3

Ane atumududa dasumuliꞌao kulino handado, dakumamposola we sala. Kapaꞌamo nandoo maiꞌaono we kodoꞌono.”

Markus 9:22

Nentelamo dua seetani maitu nodhudhulaane weo efi bhahaꞌi weo oe, patudhuno namobinasae. Tamaka ane moolie, tulumi kainsami, mobhela kainsami lalo.”

Lukas 15:20

Pada anaꞌa noehemo maka nosuli we amano. Gahaꞌa nandoo nokodoꞌo nowohaemo amano. Kabhelano maka lalono amano, lasao notende nopoꞌawaane, nokakopue bhe nowonoe.

Lukas 7:13

Nowoha bhihinanda aitu, Ompu Yesus nobhelaanemo lalono maka nopugau ambano, “Koise moꞌaea.”

Ibrani 2:17

Kanandooꞌanomo Yesus nofaraluu nopototoane ⸤ Lahataꞌala⸥ bhe bhahitieꞌino ne ae maka dua, kaembaliꞌanomo Imamu Bhalano tiposahunaꞌaono, mobhelano lalo ne mie bhaino bhe meompuno ne Lahataꞌala. Pedamo dua anaꞌa neowa kapometaaꞌando manusia bhe Lahataꞌala mosalinomo dhosando umatino manusia.

Ibrani 4:15

Imamuntoomu, o Imamu Bhalano numamisino dua sabhaha kanalentoomu. Anoa nopototo bhe intaodiomu ini, padamo nonamisie sabhaha kasoba, ampamo kaowu miina nakodhosaa.

Ibrani 5:2

Seemie Imamu Bhalano nembali nomalu-malusi mie tapa konipandeꞌaono bhe kolilinono fekihi, kapaꞌamo wutono nonale dua peda mie bhaindo.