Markus 8:11 - Muna Southern Dialect

¹¹ Domaimo miendo Farisi dopuga-pugau bhe Yesus, deꞌondofi tingku damoꞌalae. Desalomo naehabuanda giu timenteꞌaono so katandaino putae Anoa ini nomaiꞌao te surugaa.

Markus 8:11 Iomraidhean Croise

Matius 12:38

Wakutuu aitu dopugaumo seemie hodua pande Kitabi bhe miendo Farisi ne Yesus, “Guru, gao mani taoha mehabu kainsami tanda tapa mentela.”

Matius 19:3

Domaimo miendo Farisi ne Yesus damansoꞌalaiꞌe. Dofeenamo ambado, “Weo tubhono agamantoomu bhahaa nembali dohunsa hobhinendo, o ae maka dua tingkuno?”

Matius 21:23

Yesus nopesuamo toha weo Lambuno Lahataꞌala. Tangasano nofofoinaꞌu ne itu domaimo neangkaꞌindo imamu bhe kamu-kamungkulaꞌindo Yahudi dofeena ambado, “O ae gahaꞌa kaengkohaꞌano kuasa mehabu sabhaha timenteꞌaono maitu? Nofopooliko laꞌae bhahaa?”

Matius 22:15

Pada anaꞌa miendo Farisi dokalamo dopugau-gau bhahaꞌi nada amai dameena ne Yesus so dametandoꞌao alano wambano.

Matius 22:18

Tamaka Yesus nopandeꞌaane kadaino isikadhindo, dadiꞌanomo nopugaumo ambano, “Mie mehaaꞌulano, noafa solo-solo kanauꞌomu?

Matius 22:23

Ne oleo anaꞌa domaimo dua miendo Saduki. Andoa ini miina damarasaeaꞌa kawanuꞌando mie mate. Andoa dofeenamo ne Yesus ambado,

Markus 12:15

Tamaka Yesus nopandeꞌaane dofehaaꞌula, maka nopugau ambano, “Noafa gahaꞌa soba kanauꞌomu? Waꞌa kanauꞌomu dhoi pera itu nasewoka ameꞌondoe.”

Markus 2:16

Nandoo dua pande-pande Kitabi maiꞌaono ne kaomundo Farisi. Dowoha kaowu Yesus nopombali bhe mesaloꞌino sewa bhe kodhosaꞌino maitu, dofeenamo ne anaguhuꞌino ambado, “Peda ae gahaꞌa, ingka gurumiu nopombali bhe mie kodhosa maitu?”

Markus 9:16

Yesus nofeenadamo, “O ae gahaꞌa nepotaga-tagaliꞌaomiu bhe pande-pande Kitabi maitu?”

Lukas 10:25

Sewakutuu noehemo seemie pande Kitabi nomansoꞌalai Yesus. Ambano, “Guru, aeafa so aeꞌawaꞌao dadi suhue dhamani?”

Lukas 11:16

Nandoo dua mesalono ne Yesus namotiwohaanda tanda tapa mentela so katandaino kuasano nomaiꞌao ne Lahataꞌala, tamaka patudhundo damansoꞌalaiꞌe.

Yohanes 4:48

Ambano Yesus, “Ane paise mohaomu tanda tapa mentela bhe giu timenteꞌaono, paise marasaeaꞌomu.”

Yohanes 6:30

Maka ambado toha, “Mehabu kainsami tanda ae bhahaa, tamohaꞌao bhe tamarasaeaꞌao ne hintu? Kahadhaa ae bhahaa so nehabumu?

Yohanes 7:48

Nandoo bhahaa neangkantoomu tawa miendo Farisi marasaeano ne Anoa?

Yohanes 8:6

Kafeenando maitu mbali kaowu damansoꞌalaiꞌao Yesus, bhahaꞌi kaowu daewoha tingku damoꞌalae. Gahaꞌa Yesus tanolongko maka nebuhi-buhiꞌao wunano limano ne wite.

Tula-tulando rasulu 5:9

Ambano dua Petrus, “Noafa gahaꞌa hintu bhe moꞌanemu pokanagauꞌaoꞌomu solo-soloomu Rohino Ompu? Ondoda, mie kaneꞌo maiꞌaono kumobuhuno moꞌanemu, deehe-ehemo ne wobhano fointo. Aitu datumongkumo dua hintu.”

1 Korintus 10:9

Koise dosolo-soloomu Ompu peda nehabundo seemie hodua ne olotando andoa naꞌa, sampe domate dotitida ule kobisa.