Markus 7:31 - Muna Southern Dialect

³¹ Nopalusi anaꞌa Yesus nohunsamo kadieno Tirus noangka we Sidon nohope we teꞌino Galilea. Noangkai dua kadieno Dekapolis.

Markus 7:31 Iomraidhean Croise

Matius 11:21

Ambano, “Balaamo hintu liwuno Korasim! Balaamo dua hintu liwuno Betsaida! Ane endefiꞌini we kotano Tirus bhe Sidon nakumadhadhia tanda-tanda tapa mentela newohamiu ini, tetewei nomponamo dadumoli ne Lahataꞌala, daepake bhida bhe daetei abu te fotundo ⸤ peda katandaino dososoꞌao dhosando⸥ .

Matius 4:18

Wakutuuno Yesus nokala nosohaki wiwino teꞌino Galilea, nowohamo mie dohodua. Andoa ini dosikakutaꞌa, neando Simon nekonando dua Petrus, bhe Andreas kakutaꞌano. Andoa ini tangasano debuani we teꞌi, hampano andoa maitu pande kenta.

Matius 4:25

Mie bhahi dosipumpu doangkafie. Nandoo maiꞌaono we kadieno Galilea bhe Dekapolis, maiꞌaono we Yerusalem bhe we Yudea bhe maiꞌaono we sewetano umeleno Yordan.

Markus 5:20

Mie amaitu nosulimo bhe nefolele bhihita we kadieno Dekapolis. Netula-tulaꞌaomo nehabuno Yesus ne wutono. Kosasawindo mie metingkeno dowolo domente.

Markus 7:24

Maka nomaiꞌao ne itu Yesus nohope we kadieno Tirus bhe Sidon. Sahatono nopesuamo ne seꞌonu lambu mbaꞌinomo nongahe hatono maitu damandeꞌaane miendo liwu, gahaꞌa miina sepaliꞌa natifebunia.

Markus 7:30

Hobhine amaitu lasao nosuli se lambuno, nohatofi anano nandoo nendole-ndole ne kaodoꞌano. O seetani nolimbamo daanumo.