Markus 6:51 - Muna Southern Dialect

⁵¹ Pada aitu nosawimo weo bhangka, kawea lasao nolino, sampe kosasawindo tadotonto kaꞌosano mentendo.

Markus 6:51 Iomraidhean Croise

Matius 8:10

Nofetingke peda naꞌa, Yesus nomente sepaliꞌa, maka nopugau ne mie mangkafie ambano, “Amohatokoomu, kotu-kotuꞌu kabhalano kaparasaea medando ini miinaꞌo apoꞌawaane ne olotando miendo Israel.

Markus 1:27

Kosasawindo mie nopuli mentendo, sampe dopofee-feena ambado, “O ae gahaꞌa inia? Seꞌise kafoinaꞌu buꞌou. Pugauno noponoꞌao kuasa. Mahingga o seetani deangka ne pahintano.”

Markus 2:12

Mie kalu aitu nowanumo, lasao notongku katiꞌoweaꞌano saꞌituini maka nolimba. Kosasawindo mie humatono dowohae kadhadhia amaitu. Mie andoa naꞌa domente sepaliꞌa bhe dopudhi Lahataꞌala ambado, “Kaneꞌomo aitu dowohaomu kadhadhia medando aini.”

Markus 4:39

Yesus nowanumo, maka nowambaki kawea maitu bhe nopugau ne oeno teꞌi, “Koe mohobhoa! Feontoꞌo toha!” Kawea lasao nofeonto, oeno teꞌi suli nolinto.

Markus 4:41

Maka andoa doteꞌi sepaliꞌa bhe dopugau sapada-pada andoa ambado “Laꞌae bhahaa anoa ini? Mahingga o kawea bhe teꞌi doangkafi pahintano!”

Markus 5:42

Anaꞌi aitu lasao nowanu maka nekala-kala. Umuhuno ompulu haa taꞌumo. Mie mohano kadhadhia aitu nopuli mentendo.

Markus 6:32

Dadiꞌanomo dokalamo domoisa we molinoꞌano, dosawi ne bhangka.

Markus 7:37

Mie metingkeno tadomente bhe dotonto. Ambado, “Pahasili, ingka sabhaha giu nofekataaꞌie. O kapongke nofofetingkeda, o bhohe nofekapandeda dopugau.”

Yohanes 6:21

Patudhundo damofonie, gahaꞌa bhangkando lasao nosede te kaꞌotiꞌa kahopeꞌando.