Markus 6:41 - Muna Southern Dialect

⁴¹ Yesus noalamo roti lima onuno bhe kenta haa uluno maitu maka nototohana te lani, nefoampe katumpuno lalo ne Ompu Lahataꞌala. Pada anaꞌa nobhebhehamo roti aitu maka nowaꞌandae anaguhuꞌino dadumawu-dawuandae mie bhahi. Pedamo dua anaꞌa kenta haa uluno maitu.

Markus 6:41 Iomraidhean Croise

Matius 14:19

Pada anaꞌa mie bhahi notududamo daengkoha ne kahoku. Dengkoha kaowu, noalamo roti lima onuno bhe kenta haa uluno naꞌa, nototohana te lani nefoampe katumpuno lalo ne Lahataꞌala maka nobhebhehae. Pada anaꞌa nowaꞌandae anaguhuꞌino dodawu-dawuandae mie bhahi maitu.

Matius 15:36

Pada anaꞌa noalamo roti fitu onuno naꞌa bhe kakenta-kentano, nefoampe katumpuno lalo ne Lahataꞌala, nobhebhehae maka nowaꞌandae anaguhuꞌino dodawu-dawuandae mie bhahi.

Matius 26:26

Tangasano dohumaa, Yesus nealamo roti maka nefoampe katumpuno lalo ne Lahataꞌala. Roti anaꞌa nobhebhehaemo maka nowaꞌandae anaguhuꞌino bhe nopugau ambano, “Alaeꞌomu maka humaaꞌeomu, mbadhakumo inia.”

Markus 14:22

Tangasano dohumaa maitu, Yesus nealamo roti maka nefoampe katumpuno lalo ne Lahataꞌala. Pada aitu roti naꞌa nokekebhaemo maka nowaꞌandae anaguhuꞌino poowa nopugau, “Alaeꞌomu maka humaaꞌeomu, mbadhakumo inia.”

Markus 6:40

Dadiꞌanomo mie bhahi maitu dengkohamo dotombu-tombu wutondo, nandoo moꞌonono setombu, nandoo dua lima fuluno.

Markus 6:42

Kosasawindo dohumaa ampa doweꞌi.

Markus 7:34

Yesus nototohanamo te lani, nofeeneimbusu maka nopugau ambano, “Efata ,” maꞌanano, “Tilengkaꞌo toha!”

Markus 8:19

aebhebheha lima onu roti mbali dohumaa mie dolima hewu. Fee kalangka gahaꞌa kabhilaꞌandoa netawunaomiu?” Dotobhoosimo ambado, “Ompulu haa kalangka.”

Lukas 24:30

Hato naomaa bhe andoa, Yesus nealamo roti, nobarakatie maka nobhebhehae bhe nodawuandae.

Lukas 9:16

Pada noala roti lima onuno bhe kenta haa uluno naꞌa, Yesus nototohanamo te lani, nefoampe katumpuno lalo ne Lahataꞌala. Pada anaꞌa roti aitu nobhebhehaemo maka nowaꞌandae anaguhuꞌino dadumawu-dawuandae mie bhahi.

Yohanes 11:41

Dadiꞌanomo dofogampimo kontu anaꞌa. Pada aitu Yesus nototohanamo bhe nopugau ambano, “Ama, notumpu laloku ne Hintu hampano fetingke kanau.

Yohanes 17:1

Pada nopugau peda naꞌa Yesus nototohanamo te lani maka nopugau ambano, “Ama, nohatomo tempono, fotiwoha kakalabhiano Anamu ⸤ Idimo ini⸥ , neanomo Anamu namotiwoha dua kakalabhiamu.

Yohanes 6:11

Yesus noalamo roti amaitu, nefoampe katumpuno lalo ne Lahataꞌala maka nodawu-dawuandae mie bhahi mengkohano naꞌa. Pedamo dua aitu kenta haa uluno nodawu-dawuandae ampa kapoindalondo.

Yohanes 6:23

Pada amaitu nohatomo seꞌonu haa onu bhangka maiꞌaono we liwuno Tiberias nosede we owano kahumaaꞌando roti, sapalusino Ompu nefoampe katumpuno lalo endewi.

Tula-tulando rasulu 27:35

Pada nopugau peda naꞌa, Paulus nealamo roti, nefoampe katumpuno lalo ne Lahataꞌala ne wisendo kosasawindo maitu. Roti anaꞌa nobhebhehaemo maka nohumaa.

Roma 14:6

Mie mefosibhalano oleo peta nahumabua hampano somo dua namosibhalaꞌao Ompu. Pedamo dua momaano sabhahadamo, ingka nohabu peda anaꞌa somo namosibhalaꞌao Ompu, hampano nefoampe katumpuno lalo ne Lahataꞌala. Mie momaano kaowu hunsau, peta nahumabua hampano so namosibhalaꞌao dua Ompu, kapaꞌamo nefoampe dua katumpuno lalo ne Lahataꞌala.

1 Korintus 10:31

⸤ Katobhoosiku peda aini:⸥ ane momaa tawa mohoꞌu, tawa o ae maka dua nehabumu, habue bhahi-bhahiꞌe naꞌa so kakalabhiano Lahataꞌala.

Kolose 3:17

O ae maka dua nehabu bhe nepugauꞌaomiu, habueꞌomu tawa pugauaneomu peda mantasiꞌano so mie mangkafino Ompu Yesus. Habuomu bhahi-bhahiꞌae naꞌa poowa mefoampeomu katumpuno lalo ne Lahataꞌala Amantoomu hampano sabhaha nedhalangino Yesus so hintimiu.