Markus 6:2 - Muna Southern Dialect

² Nohato oleono Sabat nofofoinaꞌumo toha weo lambu kasambaheaꞌa. Mie bhahi domente dofetingke kafoinaꞌuno. Ambado, “Noꞌawae ne amai bhahaa kapandeno maitua? Dowaꞌane dawua ae bhahaa mie aini? Peda ae nokokuasa nehabu giu timenteꞌaono maitu?

Markus 6:2 Iomraidhean Croise

Matius 4:23

Yesus noangkai kosekaꞌewaꞌae kadieno Galilea, nofofoinaꞌu ne lambu-lambu kasambaheaꞌa. Anoa nefolele Bhihita Metaa Kafopahintaꞌano Lahataꞌala, poowa nefekaꞌosa sabhaha mie mosaki bhe modaino namisi ne liwu aitu.

Matius 7:28

Nopalusi Yesus nofofoinaꞌu peda maitu, mie bhahi tadomente dofetingke kafoinaꞌuno naꞌa.

Markus 1:39

Pada aitu Yesus nolilimo we kadieno Galilea, nefolele Bhihita Metaa weo lambu-lambu kasambaheaꞌando bhe nefolimba seetani.

Markus 10:1

Nomaiꞌao ne itu Yesus nokalamo we kadieno Yudea bhe kadie we sewetano umeleno Yordan. Mie bhahi domaimo toha dolibue. Peda kaneano, Yesus nofoinaꞌudamo toha.

Lukas 2:47

Kosasawindo metingkeno domenteane sepaliꞌa kapandeno bhe katobhoosino.

Lukas 4:15

Yesus nofofoinaꞌu ne lambu-lambu kasambaheaꞌa ne itu, maka kosasawindo metingkeno dopudhi-pudhie.

Yohanes 6:42

Ambado, “Anoa ini ingka Yesus anano Yusuf, inano bhe amano ingka dopandeꞌaaneomu. Noafaꞌao dua nopugau, ‘Idi ini asampu amaiꞌao te surugaa?’ ”

Yohanes 7:15

Miendo Yahudi tadomente ambado, “Peda amai mie anoa ini nopande peda ini, ingka miina nakosikolaa!”