Markus 5:34 - Muna Southern Dialect

³⁴ Ambano Yesus ne hobhine aitu, “Waꞌina, hampano kaparasaeamu ne Idi, moꞌosamo. Sulimo, netaamo namisimu, moꞌosamo kansuhu itua.”

Markus 5:34 Iomraidhean Croise

Matius 9:2

Ne itu deowaanemo seemie kalu, nendole-ndole ne kaodoꞌano. Nowoha kabhalano kaparasaeando maitu, Yesus nopugaumo ne kalu naꞌa ambano, “Fekatangka lalomu sabhangka, dhosamu notiꞌamponimo.”

Matius 9:22

Tamaka Yesus nodoli, nowohamo hobhine amaitu bhe nopugau ambano, “Fekatangka lalomu waꞌina, hampano kaparasaeamu ne Idi moꞌosamo.” Notanda aitu hobhine naꞌa noꞌosamo.

Markus 10:52

“Kalamo,” ambano Yesus, “Hampano kaparasaeamu ne Inodi, moꞌosamo!” Wakutuu anaꞌa lasao nofowoha, maka noangkafi Yesus.

Markus 3:10

Nobhahi sepaliꞌa nefekaꞌosa mie mosakino, sampe mie mosakino dopodhumpu-dhumpuhao domaꞌoti Yesus dakumadampaeꞌao.

Markus 5:29

Sanodingku dhubano maitu, notiehemo hea nolimba, nonamisi we lalono noꞌosamo.

Markus 5:33

Nopandeꞌaane kaowu noꞌosamo, hobhine aitu nofotiumba wutono, tamaka nohengkue kateꞌino. Notaohaomo sombano ne wiseno Yesus maka netula-tulaꞌao kosasawiꞌae kumadhadhiaꞌano ne uluno.

Lukas 17:19

Pada aitu nopugaumo ne mie anaꞌa, “Eheꞌo toha maka kala, hampano parasaea ne Idi, osalamatimo.”

Lukas 18:42

Ambano Yesus, “Fowohaꞌo toha, hampano parasaea ne Idi, osalamatimo!”

Lukas 7:50

Tamaka Yesus nopugaumo dua ne hobhine anaꞌa, “Hampano parasaea ne Idi, osalamatimo. Kalamo weo katohopono lalo!”

Lukas 8:48

Ambano Yesus ne hobhine anaꞌa, “Anaku, hampano kaparasaeamu ne Idi, osalamatimo. Kalamo weo katohopo.”

Tula-tulando rasulu 14:9

Anoa nofetingke dua pugauno Paulus. Gahaꞌa Paulus notontoe, wohaꞌano kaparasaeano mie aini naembali naoꞌosaane.

Tula-tulando rasulu 15:33

Pada deate-ate ne itu, Yudas bhe Silas doꞌundaꞌaandamo dasumuli weo kabarakatino Ompu, dasumulimo we tumududa.

Tula-tulando rasulu 16:36

Mandeꞌaono lambu katohongku lasao nofosampe kaowilindo maitu ne Paulus, ambano, “Kabhalaꞌino kota doowili kanau amolimbakoomu. Dadiꞌanomo kalamoomu weo kabarakatino Ompu!”

Yakobus 2:16

Gahaꞌaitu seemie ne olotamiu tanopugau ambano, “Kalamo weo kabarakatino Ompu, sio-siomo mepake metaaꞌano, sio-siomo momaa ampa moweꞌi”, tamaka miina namaꞌane ae-aea so kafaraluuno mbadhano mie aitu, kaowu o ae fahalaano?