Markus 5:23 - Muna Southern Dialect

²³ bhe nesalo mpuu ambano, “Anaku hobhine nosaohi sepaliꞌa sakino, ane naembali mai teiane limamu te wawono, noꞌosaꞌao, keana nomate.”

Markus 5:23 Iomraidhean Croise

Matius 8:3

Yesus nofonsoho limano, nodampasi mie amaitu bhe nopugau ambano, “Aꞌunda, monggelaꞌo toha.” Mie aitu lasao noꞌosa, kulino nonggelamo.

Markus 16:18

Ane daeintaha ule bhahaꞌi daohoꞌu hasu, pae daeꞌawa balaa. Ane datumei limando te wawono mie mosaki, mosakino aitu naoꞌosa.”

Markus 5:24

Pada aitu Yesus dosikalaꞌamo bhe anoa. Mie bhahi dosipumpumo toha doangkafie bhe dopoꞌua-ua ne sohihino.

Markus 6:13

Andoa maitu nobhahi defolimba seetani bhe mie mosakino dobheluanda mina lasao doꞌosa.

Markus 7:32

Ne itu deowaanemo seemie kapongke pakade nomahasai nopugau, maka desalo natumei limano te wawono.

Markus 8:23

Yesus nointaha limano kabunto maitu maka notonda-tondae, noowae we simbalino liwu. Pada aitu nopuntohimo matano maka notei limano te wawono bhe nofeenae ambano, “Koniwohamo?”

Lukas 13:13

Pada aitu noteimo limano ne hobhine anaꞌa. Hobhine aitu lasao noehe nofekalaa maka nofekakalabhia Lahataꞌala.

Lukas 4:38

Pada aitu nohunsamo lambu kasambaheaꞌa naꞌa maka nokala se lambuno Simon. Gahaꞌa ponia hobhineno Simon nosaki, nodaha sepaliꞌa sodono maka desalo ne Yesus natumulumie.

Lukas 4:40

Nosoo kaowu oleo, kosasawindo miendo liwu deowaꞌianemo mie mosakino; saki nenamisindo tanofegiu. Yesus noteimo limano te wawondo seemie-seemie maka nofekaꞌosada.

Lukas 7:12

Nomaꞌo bhe kaguali bhalano mesuaꞌano weo kota nandoo katongkuno mie mate dolimbaane maiꞌao weo kota. Mateꞌano naꞌa anaꞌi moꞌane kaenseemie, anano bhihinanda. Dobhahi sepaliꞌa miendo kota poangkaꞌaono hobhine naꞌa.

Yohanes 11:3

Hobhine andoa naꞌa depakatumo bhihita ne Yesus ambado, “Ompu, mie nemoasiꞌaomu nosaki.”

Tula-tulando rasulu 28:8

Ne naꞌa amano Publius nendole-ndoleꞌao saki. Sakino nosodoe bhe nedeaꞌao hea. Paulus nopesuaki bolokuno, nosambaheaꞌane poowa notei limano te wawono maka nofekaꞌosae.

Tula-tulando rasulu 6:6

Mie pipituno ini doowadamo ne wisendo rasulu. Rasulu dosambaheaꞌanda bhe dotei limando te wawondo ⸤ katandainomo desaloanda kabarakatino Ompu Lahataꞌala⸥ .

Tula-tulando rasulu 8:17

Kohoduando dotei limando te wawondo miendo Samaria maitu maka detahima Rohino Lahataꞌala.

Tula-tulando rasulu 9:12

Weo powohano nowoha seemie koneaꞌano Ananias nopesua weo lambu maka notei limano te wawono so nafowohaꞌao toha.”

Tula-tulando rasulu 9:17

Pada aitu Ananias nokalamo maka nopesua weo lambu anaꞌa. Noteimo limano te wawono Saulus bhe nopugau ambano, “Saulus, bhahitieku, Ompu notudu kanau amai ne ini, Anoamo Ompu Yesus motiwohano Wutono we sala kaangkaꞌamu. Kahatoꞌaku neanomo sumuli toha fowoha bhe nakumabhintiko Rohino Lahataꞌala.”