Markus 5:15 - Muna Southern Dialect

¹⁵ Dohato ne Yesus dowohamo mie nepesuakino seetani saꞌituini nengkoha-ngkoha ne itu. Mie aitu bhemo pakeano bhe nopandeꞌaomo lalono. Anoamo ini nepesuakino kantawundo seetani saꞌituini. Dadiꞌanomo mie humatono maitu doteꞌi.

Markus 5:15 Iomraidhean Croise

Matius 12:29

Ane damesuaki lambuno seemie moꞌosa maka dasumaohi buku kanandoono, tabeano datumapu kadeki kolambuno naꞌa. Mada aitu kaneꞌomo naembali darumampasi kanandoono.

Matius 26:53

Ingka naembali aetondala ne Amaku naetudu malaꞌekati datumulumi kanau, mahingga nakolabhi naompulu haa tagua.

Matius 4:24

Bhihitano Yesus ini nokolelemo ne kosekaꞌewaꞌae kadieno Siria, sampe deowaꞌianemo mie menamisino sabhaha saki, kakadee-dee bhe kadaino namisi, mie nepesuakino seetani, mate manuno bhe mokaluno. Kosasawindo naꞌa nofekaꞌosada.

Matius 9:33

Pada nofolimba seetani naꞌa, bhea aitu lasao nopande nopugau. Mie bhahi tadomente, ambado, “Kadhadhia pedando ini miinaꞌo daohoohaomua ne witeno Israel inia.”

Markus 5:14

Dhagaꞌino wewi ⸤ kakanea⸥ maitu dofileimo bhe defolele bhihita we kota bhe liwu-liwu momaꞌoꞌano. Mie metingkeno lasao dolimba daꞌumondo kumadhadhiano.

Markus 5:16

Mie mohaꞌaono wuntano matano detula-tulaandamo kadhadhiando mie nepesuakino seetani bhe wewi saꞌituini.

Markus 5:18

Dadiꞌanomo Yesus nosawimo toha ne bhangka. Gahaꞌa mie nepesuakino seetani saꞌituini nesalo namangkafie.

Markus 5:4

Kapaꞌamo nentelamo dohantee bhe dolangkee, tamaka hanteno nobhotulie, langkeno nopuhokotie. Dadiꞌanomo miinamo bhe mondoiꞌe damotuhue.

Markus 5:9

Yesus nofeenaemo ambano, “Laꞌae gahaꞌa neamu?” Notobhoosimo ambano, “Neaku Legion, mbaꞌinomo insaodi ini tabhahi.”

Lukas 10:39

Marta bhe hobhine kakutaꞌano, neano Maria. Maria nengkoha-ngkoha ne owano aꞌeno Ompu, nofetingke kansuhu pugauno,

Lukas 8:27

Safonino te wite nosumpuiꞌemo seemie moꞌane nomaiꞌao ne kota aitu. Mie anaꞌa nopesuakie seetani; nomponamo nelembi, miina naeate weo lambu tamaka neate ne tombuno lia kafokobuhuꞌa.

Kolose 1:13

Lahataꞌala nofosalamati kaita maiꞌao weo kuasano kahohondo maka nofogampi kaita weo kafopahintaꞌano Anano kamoasiꞌaono.

2 Timotius 1:7

Kapaꞌamo Rohi kawaꞌaono Lahataꞌala miina nahumabu kaita mbali mie motehe, tamaka o Rohi meowano katangkano lalo, kanini kaasi bhe kapooli so damewanakiꞌao totono lalontoomu.