Markus 5:13 - Muna Southern Dialect

¹³ Yesus noꞌundapida. Seetani naꞌa lasao dolimba domaiꞌao ne mie aitu maka dokala desahangka te gulumando wewi saꞌituini. Kabhahindo wewi aitu dapehaa hewu. Lasao dotende se wiwino pimpi, maka dololetimo wutondo weo teꞌi sampe dolomo.

Markus 5:13 Iomraidhean Croise

Matius 7:6

“Bara mongkilo koise waꞌane daꞌu, bhahaa nosuli nokokapeko. Muntiamu koise ohoane wewi, bhahaa nopokafindaꞌiane.”

Matius 8:32

Ambano Yesus, “Kalamoomu!” Seetaniꞌi maitu lasao dolimba maka dopesuaki kawaindo wewi naꞌa. Kosekawaindo wewi maitu dofilei we wiwino pimpi maka doꞌohofi wutondo weo teꞌi sampe dolomo.

Markus 5:12

Maka seetani maitu desalomo ne Yesus ambado, “Tudu kainsami talumimba maiꞌao ne mie aini, taesahangkaꞌao te wewi tatu!”

Markus 5:14

Dhagaꞌino wewi ⸤ kakanea⸥ maitu dofileimo bhe defolele bhihita we kota bhe liwu-liwu momaꞌoꞌano. Mie metingkeno lasao dolimba daꞌumondo kumadhadhiano.

Yohanes 8:44

Amamiu Kafeompuꞌando seetani, sadhia gaomiu mangkafiomu kapoindalono amamiu naꞌa. Anoamo itu mongkono manusia mpini kabhao-bhaono, miina natumai ne kabanara, kapaꞌamo weo totono lalono miina bhe kabanarano. Ane nakopaha, nopantasimo, kahabuaonomo. Anoa itu pande gau-gau, amandomo sabhaha paha.

1 Petrus 3:22

Ampa aitu Kristus nofonimo te surugaa, nengkoha ne suanano Lahataꞌala. Kosasawindo malaꞌekati bhe sabhaha mintahano kuasa bhe kafeompuꞌa dotuhumo ne Anoa.

Powoha 20:7

Namalusi sehewu taꞌuno maitu, Kafeompuꞌando seetani damolapae namaiꞌao we katitohongkuꞌano.

Powoha 9:11

Kafeompuꞌa mahintangida o malaꞌekati tungguno ola pata kotompano. Neano ne wamba Ibrani dokonae Abadon, ne wamba Yunani dokonae Apolion ⸤ maꞌanano Fobinasano⸥ .