Markus 4:17 - Muna Southern Dialect

¹⁷ Ampamo kaowu bhoasao aitu miina nakopahakaa weo totono lalondo, sampe miina natumahaa. Sadeꞌawa kasabha bhahaꞌi kakadee-dee mbaꞌinomo doangkafi bhoasao aitu, lasao dohunsae kaparasaeando.

Markus 4:17 Iomraidhean Croise

Matius 11:6

Dokodawua mpuu mie tapa mongaheꞌi kanau hampano kandidikino lalo.”

Matius 12:31

Dadiꞌanomo amohatokoomu: kosasawiꞌae dhosa bhe kaꞌumbu ne manusia natiꞌamponi, tamaka kaꞌumbu ne Rohino Lahataꞌala pae natiꞌamponia.

Matius 13:21

Ampamo kaowu bhoasao aitu miina nakopahakaa weo totono lalondo sampe miina natumahaa. Sadeꞌawa kasabhano tawa kakadee-dee mbaꞌinomo doangkafi bhoasao maitu, lasao dohunsa kaparasaeando.

Markus 4:16

Wine mondawuꞌano ne kamoꞌali, maꞌanano mie metingkeno bhoasaono Lahataꞌala, lasao dotahimae bhe doꞌiaꞌane.

Markus 4:18

Wine mondawuꞌano weo kahoku kokihi, maꞌanano mie metingkeno bhoasaono Lahataꞌala.

Lukas 12:10

Ane o mie nopahampugau noewangi Anano Manusia, natiꞌamponi; tamaka ane dopahampugau dofekaꞌaebu Rohino Lahataꞌala paise natiꞌamponia.

Yohanes 8:31

Nopugaumo Yesus ne miendo Yahudi marasaeano maitu ambano, “Ane mintahakiomu kansuhu kafoinaꞌuku, hintimiu kotu-kotuꞌu anaguhuꞌiku.

Galatia 6:12

O mie mosuhukoomu mesunaomu, ingka gaondo defewoha kaowu putae doangkafi tutuhano mbadha. Tamaka kahabuꞌando peda aitu keana kaowu dofodee-deeda ⸤ miendo Yahudi⸥ hampano kaparasaeando ne mateno Kristus te sau salipu.

2 Timotius 1:15

Ingka pandeꞌaanemo kosasawindo maiꞌaono ne kadieno Asia dokukundo kanaumo, notilentumo dua ndo Figelus bhe Hermogenes.

2 Timotius 4:10

Kapaꞌamo Demas nohunsa kanaumo, noasiꞌaomo dhunia ini, nokalamo we Tesalonika. Kreskes nokalamo dua we Galatia, bhe Titus we Dalmatia.

2 Timotius 4:16

Kabhao-bhaono apotunduꞌao wutoku ⸤ wakutuuno dobhitahaki kanau⸥ , bhe naseemie miina bhe tumulumi kanau, dopuli dohunsa kanau. Sio-siomo Lahataꞌala paise namoꞌaladaa.

Ibrani 10:29

Ane peda anaꞌa, nada amai bhahaa kolauno mie minda-mindaꞌino Anano Lahataꞌala, mabhino heano podhandiꞌa o giu mohaku tapa kofahalaano? Gahaꞌaitumo hampano tuhuno heano naꞌa dhosano nonggelamo. Pakade nofekandidiki dua Rohino Lahataꞌala fowaꞌaono rahamati. Ingka kahukumu so neꞌawano mie medano naꞌa sedhuluꞌa kabhieno!

1 Yohanes 2:19

Andoa mewangino Kristus maitu daanumo domaiꞌao ne olotantoomu, tamaka sakotuꞌuꞌano suano mientoomu. Kapaꞌamo ane kotu-kotuꞌu mientoomu, teteweimo sadaa-daa dapobhai bhe intaodiomu. Tamaka limbando maitu somo notiwohaꞌao putae kosasawindo maitu suano sabhangkantoomua.

Powoha 2:10

Koise moteꞌia ne kakadee-dee so neꞌawamiu! Tandaiꞌe, Kafeompuꞌando seetani naꞌumohofi seemie hodua ne olotamiu itu weo katohongku patudhuno nasumobakoomu, maka meꞌawaomu kasabha naompuluꞌa. Fintahakieꞌomu mpuu kaparasaeamiu mahingga mewisekiomu mate, maka amaꞌangkoomu dadi suhue dhamani mbali kawaꞌaondo fotalono.

Powoha 2:13

Apandeꞌaane ne amai kaeateꞌamu, ingka we kota kafopahintaꞌano Kafeompuꞌando seetani. Tamaka hintimiu sadaa-daa fintahakiomu kaparasaeamiu ne Idi, miina sumowoomua, mahinggamo we dhamanino Antipas sakusiiku tiparasaeano nepongkondo ne wisemiu, we kaeateꞌano Kafeompuꞌando seetani itu.