Markus 4:11 - Muna Southern Dialect

¹¹ Yesus notobhoosida ambano, “Hintimiu nowaꞌangkoomu dawua Lahataꞌala pandeꞌaanemoomu rahasiano Kafopahintaꞌano. Tamaka mie sigaoꞌano aepakeanda kapalenda,

Markus 4:11 Iomraidhean Croise

Matius 11:25

Wakutuu anaꞌa Yesus nosambaheamo ambano, “Notumpu laloku, Ama, Ompuno lani bhe dhunia, kapaꞌamo kosasawiꞌae ini febunie ne mie kotimbangi bhe mie mande, tamaka fotiwohae ne mie mepandano kaengkohaꞌa pata kokasikolano.

Matius 13:16

Tamaka kakodawuamiu, matamiu nofowoha, tingalamiu nofofetingke.

Matius 16:17

Ambano Yesus, “Kodawua sepaliꞌa Simon anano Yunus, kapaꞌamo suano manusia mohatoangkoe, tamaka Amaku te surugaa.

Markus 3:23

Yesus nosaliꞌimo mie bhahi maitu, maka nopugau nepakeanda kapalenda. Ambano, “Nameda amai gahaꞌa Kafeompuꞌando seetani naefolimba seetani?

Markus 4:10

Tangasano Yesus tanomoisa, domaimo mie mangkafie bhe anaguhuꞌino ompulu hoduano, dofeenaꞌao maꞌanano kapalenda saꞌituini.

Markus 4:2

Nobhahi kafoinaꞌuno nepakeanda kapalenda. Ambano peda aini.

Lukas 8:10

Anoa notobhoosidamo ambano, “Hintimiu dowaꞌangkoomu kadawu so mandeꞌaoꞌomu rahasiano Kafopahintaꞌano Lahataꞌala, tamaka mie sigaoꞌano dofohatoda weo kapalenda, neanomo mahingga daꞌumondo-ondoe pae damohaea, mahingga dametingke pae dalumosangiea.

1 Korintus 4:7

Kapaꞌamo laꞌae bhahaa kumonako nofoliu kakofahalaamu bhe mie bhaimu? Kona kanaꞌeomu o ae ndumandooꞌano ne hintimiu itu tapa netahimamiu maiꞌao ne Lahataꞌala! Ane kotu-kotuꞌu bhahi-bhahiꞌae tahimaeꞌomu ne Lahataꞌala, noafa bhahaa sangke-sangkeꞌao wutomiu, kao-kaomo bhahi-bhahiꞌae maitu miina tumahimaeꞌomu?

2 Korintus 4:6

Kapaꞌamo Lahataꞌala padamo nokobhoasao, “Nobheteꞌo toha tilanga weo kahohondo.” Ingka Anoamo dua mobheteno tilangano weo totono lalontoomu, neanomo naentalea fekihintoomu so dalumosangiꞌao kakalabhiano Lahataꞌala kotilangano ne ulano Kristus.

Efesus 1:9

Hampano kapoindalono Wutono, Lahataꞌala nofohato kaitaomu patudhuno nefebunino endefiꞌini. Patudhuno naꞌa tokamo nobhotusie wawo nakoꞌula namangka ne Kristus.

Kolose 4:5

Pedamo pokaiꞌamiu bhe mie tapa marasaeano, dadi kotimbangiomu. Kotika bhe kasalawa, pake metaaꞌeomu.

1 Tesalonika 4:12

Ane nada anaꞌa, pae membaliomu wowoꞌono mie bhaimu, dadimiu naetaa ne pomatano mie sigaoꞌano tapa marasaeano ne Kristus.

1 Timotius 3:7

Anoa tabeano netaa dua neano we simbalindo umati weo poliwu, keana dofoꞌalae mie bhaino sampe nakumona ne tando kataꞌono Kafeompuꞌando seetani.

1 Yohanes 5:20

Dopandeꞌaanemo dua Anano Lahataꞌala padamo nomai we dhunia ini, nowaꞌa kaitaomu kapooli damandeꞌao Anoa banarano. Intaodiomu dodadi doseꞌise bhe Lahataꞌala, doseꞌise dua bhe Yesus Kristus, Anano. Anoamo itu Lahataꞌala sakotuꞌuno, Anoamo dua meowano dadi suhue dhamani.