Markus 3:12 - Muna Southern Dialect

¹² Tamaka Yesus noꞌeleꞌaanda sepaliꞌa seetani andoa naꞌa damohato mie sigaoꞌano, bhahaꞌi laꞌae Anoa maitu.

Markus 3:12 Iomraidhean Croise

Matius 12:16

Noꞌeleꞌaanda sepaliꞌa daetaatanga putae laꞌae Anoa maitu.

Matius 8:4

Ambano toha Yesus, “Tandaiꞌe, koise mekapu-kapuna ne laꞌae maka dua, ampamo kaowu kalamo fotiwoha wutomu ne imamu. Namada aitu meowa kapopanga ne Lahataꞌala peda neowiliꞌaono anabii Musa, so netandaindo mie bhahi putae hintu moꞌosamo.”

Matius 9:30

Matando lasao nentalea. Yesus nofodhagadamo ambano, “Posiꞌondoomu koise mekapuna ne laꞌae maka dua.”

Markus 1:25

Tamaka Yesus nohandapi seetani maitu ambano, “Koise mohobhoa, limbaꞌo toha maiꞌao ne mie aini!”

Markus 1:34

Alo amaitu dobhahi sepaliꞌa mie meepesino sabhaha saki nefekaꞌosano, dobhahi dua seetani nefolimbano. Seetani andoa naꞌa miina namotolalada dopugau, mbaꞌinomo andoa dopandeꞌaane laꞌae Yesus maitu.

Tula-tulando rasulu 16:18

Ampa seꞌoleo haa oleo sakei peda naꞌa. Tamaka Paulus miinamo namoolie lalono nofetingke kahunggaino maitu. Lasao nodoliki kalambe aitu maka nopugau ne seetani mesuakie ambano, “Weo neano Yesus Kristus, atuduko limbaꞌo toha maiꞌao ne kalambe aini.” Seetani anaꞌa lasao nolimba nomaiꞌao ne kalambe amaitu.