Markus 2:13 - Muna Southern Dialect

¹³ Pada aitu Yesus nokala toha se wiwino teꞌino Galilea. Dobhahi mie poꞌawaane, maka Yesus nofoinaꞌuda.

Markus 2:13 Iomraidhean Croise

Matius 13:1

Ne oleo anaꞌa Yesus nolimba we simbalino lambu maka nokala nengkoha we wiwino teꞌi.

Matius 9:9

Hato nokala nomaiꞌao ne itu, Yesus newohamo seemie nengkoha-ngkoha weo lambu kaesaloꞌa sewa. Neano mie anaꞌa Matius. Ambano Yesus, “Angkafi kanau.” Matius lasao noehe maka noangkafie.

Markus 1:45

Tamaka mie aitu nolili netula-tulaꞌao kadhadhia amaitu, sampe Yesus miinamo naembali namesua weo liwu ane dowohae mie bhahi. Yesus taneatemo we molinoꞌano. Tamaka mie bhahi maiꞌaono ne sabhaha liwu sadhia domaiꞌie dua.

Markus 10:1

Nomaiꞌao ne itu Yesus nokalamo we kadieno Yudea bhe kadie we sewetano umeleno Yordan. Mie bhahi domaimo toha dolibue. Peda kaneano, Yesus nofoinaꞌudamo toha.

Markus 2:2

Pada anaꞌa mie bhahi dosipumpumo toha se lambuno, sampe miinamo namuleadaa weo lambu; mahingga te wiseno fointo noponoꞌao mie. Yesus nofohatoanda bhoasaono Lahataꞌala.

Markus 4:1

Yesus nofofoinaꞌu toha we wiwino teꞌino Galilea. Dobhahi sepaliꞌa humatono dolibu-libue. Dadiꞌanomo, nosawimo ne seꞌonu bhangka ⸤ melanto-lantono ne itu⸥ maka nengkoha, tamaka mie bhahi deehe-ehe te wite.

Lukas 19:48

Ampamo kaowu miina damandeꞌaanea nada amai dhalano, kapaꞌamo kosasawindo raꞌeati notihela lalondo dametingke kafoinaꞌuno.

Lukas 21:38

Hangko-hangkowine kosasawindo mie bhahi dohatomo ne Yesus weo Lambuno Lahataꞌala dametingkeꞌao pugauno.