Markus 16:19 - Muna Southern Dialect

¹⁹ Pada nopugau peda anaꞌa, Ompu Yesus notisangkemo te surugaa maka nengkoha ne suanano Lahataꞌala.

Markus 16:19 Iomraidhean Croise

Markus 16:20

Pada anaꞌa anaguhuꞌino dokalamo defolele Bhihita Metaa ne amai liwu ne dhunia ini. Ompu noposabhangkaanda kansuhu, bhihita nefolelendo nofekatangkaane tanda-tanda tapa mentela.]

Lukas 22:69

Notandamo aitu Anano Manusia nengkohamo ne suanano Lahataꞌala kokuasano.”

Lukas 9:51

Nomaꞌo kaowu tempono katisangkeꞌano te surugaa, Yesus neꞌonumo lalono nakumala we Yerusalem.

Yohanes 13:1

Tana seꞌoleo hohaeaꞌano Paska. Yesus nopandeꞌaanemo nohatomo tempono nahumunsa dhunia ini nasumuli te Amano. Anoa noasiꞌao mie mangkafie te dhunia ini, sadaa-daa noasianda ampa we kapuliaono.

Yohanes 16:28

Idi ahato we dhunia amaiꞌao ne Amaku, aitu ahumunsamo dhunia asumuli te Amaku.”

Yohanes 17:13

Aitu asumulimo te Hintu. Aekapunaꞌao kosasawiꞌae ini tinangke nandoo kanau we dhunia ini, neanomo andoa dakumabhintida mpuu kawulano laloku.

Yohanes 20:17

Ambano dua Yesus, “Koise dampasi kanaua, kapaꞌamo miinaꞌo akumala te Amaku. Aitu sulimo se bhahitieꞌiku, fohatoda Idi akumalamo te Amaku bhe Amamiu dua, Lahataꞌalaku bhe Lahataꞌalamiu dua.”

Yohanes 21:15

Pada defebhaku nopugaumo Yesus ne Petrus ambano, “Simon anano Yohanes, kaasimu ne Idi noliuꞌe bhahaa kaasindo andoa ini ne Idi?” Notobhoosimo Petrus ambano, “Uumbe Ompu, ingka pandeꞌaane aoasiangko.” Ambano Yesus, “Dambaꞌaanda dhumbaku.”

Yohanes 21:22

Ambano Yesus, “Ane amoindalo anoa ini nadumadi kansuhu ampa asumuli, ingka suano nepandeꞌaomua. Ampamo kaowu hintu angkafi Idi.”

Yohanes 6:62

Kaowu nada amai bhahaa fekihimiu ane mohaomu Anano Manusia sumuli namoni te kaeateꞌano wawo?

Tula-tulando rasulu 1:22

notanda nofokadiu Yohanes ampa nohunsa kainsami Yesus ne oleo katisangkeꞌano te surugaa.”

Tula-tulando rasulu 2:33

Pada nosangkee Lahataꞌala te melangkeꞌano bhe nowaꞌane kuasa, notahimamo Rohino Lahataꞌala nedhandiꞌaono maitu. Rohi aitu nofosampuemo dua ne insaodi ini, peda newoha bhe nefetingkemiu aitu.

Tula-tulando rasulu 3:21

Anoa maitu tetewei naeate te surugaa ampa oleono so katipahabuꞌouniꞌano bhahi-bhahiꞌae, peda nekobhoasaꞌaono Lahataꞌala nefosampendo ana-anabii mongkilono ne dhamani wawono.

Roma 8:34

Nandoo bhahaa so fofoꞌalano? Wutono Kristus Yesus so potunduꞌa kaita. Ingka Anoa padamo nomate, tamaka fofoliuꞌano padamo dua dofowanue maiꞌao ne mate maka ampa aini nengkoha ne suanano Lahataꞌala.

Kolose 3:1

Ingka dofowanukoomu maiꞌao ne mate poowa bhe Kristus. Dadiꞌanomo ondofiomu ndumandooꞌano te surugaa. Ne itumo Kristus nengkoha ne suanano Lahataꞌala.

1 Timotius 3:16

Kotu-kotuꞌu nobhala mpuu rahasiano agamantoomu ini, Anoa nofotiwoha Wutono nembali manusia, nosakusiiane Rohino Lahataꞌala Anoa ini mie banara, dowohae malaꞌekati, bhihitano dofolelee ne sabhaha bansano liwu tapa mandeꞌaono Lahataꞌala, doparasaeaꞌe ne kosekaꞌewaꞌae dhunia ini, notisangke weo kakalabhia te surugaa.

Ibrani 1:3

Anoa nofotiwoha tilangano kakalabhiano Lahataꞌala, katuno bhe sifatino pasae wutono Lahataꞌala. Anoamo dua tumukono alamu bhalano ini nopake bhoasaono foliuno kuasa. Nopalusi nofekangkilo manusia maiꞌao ne dhosando, Anoa nengkohamo ne suanano Lahataꞌala fofoliuno kakalabhia te wawono wawo.

Ibrani 12:2

Poowa bhe tendentoomu, ondo kaitaomu kansuhu te wise, te Yesus. Anoamo melengka kaita kaangkaꞌano kaparasaea, Anoamo dua so mosangkano kaparasaeantoomu. Yesus netaami kakadee-dee te sau salipu bhe miina naoheruane putae domate te sau salipu maitu giu timoambanoꞌaono, hampano sehonda-honda nefeꞌulaino: te wiseno nandoo kawulano lalo bhalano so netahimano. Ampa aitu Anoa nengkohamo ne suanano kaengkohaꞌano kumalabhiano Lahataꞌala.

Ibrani 4:14

Kanandooꞌanomo tetewei damintahakieꞌomu mpuu kaparasaea neꞌakuintoomu, kapaꞌamo bhe imamuntoomu, Imamu Bhalano kumalabhiano toka mangkano surugaa ampa te wiseno Lahataꞌala. Anoamo itu ingka Yesus, Anano Lahataꞌala.

Ibrani 6:20

Yesus nopaꞌindulumo nopesua te naꞌa nofomelengkaꞌao kaangkaꞌa, nembalimo Imamu Bhalano ampa suhue dhamani peda imamu Melkisedek.

Ibrani 7:26

Imamu Bhalano pedandomo anaꞌa nefaraluuntoomu: Anoa mie mongkilo, miina nakodhosaa, miina nakodengo-dengoa, nopogaati bhe mie kodhosa, dosangkee te surugaa te wawono wawo.

Ibrani 8:1

Puuno bhahi-bhahiꞌae nepuga-pugauꞌaontoomu ini: intaodiomu bhe Imamuntoomu Bhalano medano anaꞌa, mengkohano ne suanano kaengkohaꞌano Lahataꞌala fofoliuno kakalabhia te surugaa.

Ibrani 9:24

Kapaꞌamo Kristus miina namesua weo Boloku Foliuno Kangkilo nehabundo manusia, membalino kaowu sandahano Boloku Foliuno Kangkilo sakotuꞌuno ⸤ te surugaa⸥ , tamaka Kristus nopesuamo te puuno surugaa, ampa aitu nofewise ne Lahataꞌala so sabhaha kafaraluuntoomu.

1 Petrus 3:22

Ampa aitu Kristus nofonimo te surugaa, nengkoha ne suanano Lahataꞌala. Kosasawindo malaꞌekati bhe sabhaha mintahano kuasa bhe kafeompuꞌa dotuhumo ne Anoa.