Markus 13:32 - Muna Southern Dialect

³² Ampamo kaowu oleono bhe tempono bhe seemie miina bhe mandeꞌaanea. O malaꞌekati te surugaa miina, Anano Manusia miina dua, mpahinomo wutono Amaku mandeꞌaanea.”

Markus 13:32 Iomraidhean Croise

Matius 25:13

Dadiꞌanomo kodhagaomu, kapaꞌamo miina mandeꞌaaneomua oleono bhe tempono.”

Matius 25:19

Nompona pada anaꞌa, kafeompuꞌando nosulimo nopolentu bhe bhatuaꞌino.

Matius 25:6

Nofewuntaꞌi alo notifetingkemo suaha nekei-kei ambano, ‘Aituꞌaemo! Loꞌia buꞌou nohatomo! Sumpuiꞌeomu!’

Markus 13:31

O lani bhe dhunia naosali, tamaka wambaku ini pae bhe kasalia.

Tula-tulando rasulu 1:7

Notobhoosimo Yesus, “Hintimiu miina namaraluua mandeꞌaaneomua oleo bhe tempo nefotantuno Amaku, kapaꞌamo anaꞌa kuasano Wutono.

2 Petrus 3:10

Oleo kahatoꞌano Ompu tetewei nahumato, nahumato nada kasoꞌo. Ne oleo anaꞌa o lani namiinae napoangka huhu timoteꞌi bhe sabhaha ndumandooꞌano te lani nahumampuniane efi. O dhunia bhe kosasawiꞌae ndumandoono te wawono naosali.

Powoha 1:1

Kitabi aini nokowambaꞌao kafohatono Yesus Kristus nopulaoꞌao so kumadhadhiaꞌano namada kaowu. Kafohato aini nowaꞌane Lahataꞌala namotiwohae ne palima-limaꞌino Lahataꞌala o ae so tetewei kumadhadhiaꞌano mehimba. Kristus netudu malaꞌekatino ne Yohanes, o palima-limano, namosampeane sabhaha kadhadhia anaꞌa.

Powoha 3:3

Dadiꞌanomo tandaiꞌe kafoinaꞌu toka netahima bhe nefetingkemiu, angkafie bhe fetompaꞌao podiu modaimiu! Kapaꞌamo ane pae kodhagaomu, ahumato nada kasoꞌo, pae mandeꞌaaneomua tempono so kahatoꞌaku ne itu.