Markus 12:26 - Muna Southern Dialect

²⁶ Ane kawanuꞌando mie mate, ingka notibuhi weo Kitabino anabii Musa; miinaꞌo basaeꞌomua gahaꞌa? Ne itu notibuhi Lahataꞌala nopugau ne Musa nomaiꞌao ne sau kokihi humendeꞌano. Ambano, ‘Idimo ini Lahataꞌalano Abraham, Lahataꞌalano Ishak bhe Lahataꞌalano Yakub.’

Markus 12:26 Iomraidhean Croise

Markus 12:10

Molimpuꞌaanemoomu gahaꞌa tibuhino weo Kitabino anabii peda aini, ‘Kontu neꞌohondo mefelambuno, gahaꞌa nembalimo sandi bhalano.

Markus 12:25

Nahumato damanu mie mate, dadumadi nada malaꞌekati te surugaa: paemo dagumaa, paemo dua damogaada.

Lukas 20:37

Ingka wutono anabii Musa padamo nofohato kaita mentalea-mentalea so kawanuꞌando mie mate. Aini notibuhi weo Kitabino metula-tulaꞌaono sau kokihi humendeno. Ne itu Ompu nokonae Lahataꞌalano Abraham, Lahataꞌalano Ishak bhe Lahataꞌalano Yakub.

Yohanes 20:17

Ambano dua Yesus, “Koise dampasi kanaua, kapaꞌamo miinaꞌo akumala te Amaku. Aitu sulimo se bhahitieꞌiku, fohatoda Idi akumalamo te Amaku bhe Amamiu dua, Lahataꞌalaku bhe Lahataꞌalamiu dua.”

Roma 11:2

Lahataꞌala miina nakumukundo umatino toka nepilino mpini kabhao-bhaono. Miina mandeꞌaaneomua gahaꞌa tibuhino weo Kitabi wakutuuno anabii Elia nobhieꞌao miendo Israel ne Lahataꞌala?