Markus 11:27 - Muna Southern Dialect

²⁷ Yesus bhe anaguhuꞌino dohatomo toha we Yerusalem. Tangasano Yesus nekala-kala ne kadeteno Lambuno Lahataꞌala, gahaꞌa domaiꞌiemo neangkaꞌindo imamu, pande-pande Kitabi bhe kamungkulaꞌi.

Markus 11:27 Iomraidhean Croise

Markus 11:28

Andoa ini dofeenaemo ambado, “O ae gahaꞌa kaengkohaꞌano kuasamu kaehabuꞌamu sabhaha giu maitu? Nowaꞌangko laꞌae gahaꞌa kapooli sampe mehabu bhahi-bhahiꞌae maitu?”

Markus 14:1

Hohaeaꞌano Paska bhe hohaeaꞌano Roti Pata Koragiꞌano tana haa oleo. Neangkaꞌindo imamu bhe pande-pande Kitabi dopokanagau deꞌondofi akala dahumako Yesus. Tamaka patudhundo pae damandeꞌaane mie bhahia, maka damongkoe.

Yohanes 10:23

Yesus nekala-kala weo kadeteno Lambuno Lahataꞌala, we tambi bhalano nekonando Tambino Salomo.

Yohanes 18:20

Yesus notobhoosimo ambano, “Idi sadhia apugau mentalea-mentalea ne dhunia, afofoinaꞌu ne lambu-lambu kasambaheaꞌa bhe ne Lambuno Lahataꞌala kapofoꞌo-foꞌonuꞌando kosasawindo miendo Yahudi. Miina sepaliꞌa apugau mpebuni.