Markus 11:18 - Muna Southern Dialect

¹⁸ Neangkaꞌindo imamu bhe pande-pande Kitabi dofetingke dua kadhadhia amaitu, maka deꞌondofi akala damongkoe. Andoa doteꞌie, mbaꞌinomo mie bhahi domenteane kafoinaꞌuno.

Markus 11:18 Iomraidhean Croise

Matius 21:15

Tamaka neangkando imamu bhe pande-pande Kitabi nohehewu sepaliꞌa lalondo dowoha sabhaha giu timenteꞌaono nehabuno Yesus maitu. Sedhuluꞌa dua kahehewuno lalondo mbaꞌinomo kaana-anaꞌi weo Lambuno Lahataꞌala dopokakei-kei ambado, “Hosana, sampuꞌano Daud!”

Matius 7:28

Nopalusi Yesus nofofoinaꞌu peda maitu, mie bhahi tadomente dofetingke kafoinaꞌuno naꞌa.

Markus 1:22

Mie metingkeno kafoinaꞌuno domente sepaliꞌa, mbaꞌinomo nofoinaꞌuda peda seemie kokuasano, nopoꞌala bhe pande-pande Kitabi.

Markus 11:32

Tamaka koasi dua damugauꞌomu, ‘Nomaiꞌao ne manusia.’ ” Andoa doteꞌi mie bhahi hampano kosasawindo mie dokona Yohanes seemie anabii.

Markus 12:12

Nopalusi aitu kamungkulaꞌindo Yahudi maitu deꞌondofimo akala dahumako Yesus, hampano dopandeꞌaane kapalenda saꞌituini nokantibha andoa. Tamaka mbaꞌinomo doteꞌi mie bhahi, miina damafa-afaane, tadokalamo.

Markus 3:6

Pada anaꞌa miendo Farisi maitu dolimbamo, lasao dokala dopugau-gau bhe mieno kolaki Herodes so damongkoꞌao Yesus.

Markus 6:20

Kapaꞌamo Herodes padamo netudu mie dadhumagani Yohanes, mbaꞌinomo nomihikie, nopandeꞌaane Yohanes maitu mie metaa, mie mongkilo. Ane nopugau Yohanes, noasiane dua nofetingkee mahingga totono lalono miina nahumempoa.

Lukas 19:47

Seꞌo-seꞌoleo Yesus nofofoinaꞌu weo Lambuno Lahataꞌala. Neangkaꞌindo imamu, pande-pande Kitabi bhe neangkaꞌindo miendo Yahudi deꞌondofi akala damongkoe.

Lukas 2:47

Kosasawindo metingkeno domenteane sepaliꞌa kapandeno bhe katobhoosino.

Lukas 20:19

Pande-pande Kitabi bhe neangkaꞌindo imamu deꞌondofi akala dahumakoe, kapaꞌamo dopandeꞌaane kapalenda amaitu nokantibha andoa, tamaka doteꞌi mie bhahi.

Lukas 4:22

Kosasawindo mie naꞌa doꞌuumbetie, domenteꞌao pugau mokesa nekobhoasaꞌaono. Ambado, “Ingka anoa ini anano Yusuf.”

Yohanes 7:1

Pada anaꞌa Yesus nowaliligimo kadieno Galilea, hampano nokiido nalumili we kadieno Yudea, kapaꞌamo ne naꞌa miendo Yahudi dopatudhu damongkoe.

Yohanes 7:19

Ingka anabii Musa nowaꞌangkoomu tubhono agama, tamaka ne olotamiu itu bhe naseemie miina bhe dhumalangie. Noafa bhahaa kopatudhuꞌao mongko kanauꞌomu?”

Yohanes 7:46

Dotobhoosimo dhaga andoa maitu ambado, “Miinaꞌo nandumandoo seemie manusia pugauno medando mie amaitu!”

Tula-tulando rasulu 24:25

Tamaka hato Paulus nopugauꞌao dadi banara, damewanaki totono lalo bhe kabhotusi nahumato Oleono Kiama, gubernur Feliks noteꞌimo. Nopugaumo ambano, “Netaamo, kalamo kadeki. Ane bhe kasalawa metaa madaꞌo toha asumaliꞌiko.”