Markus 10:47 - Muna Southern Dialect

⁴⁷ Sanofetingke lumalono maitu Yesus miendo Nasaret, nokeimo kabunto naꞌa ambano “Yesus, sampuꞌano Daud, mobhela kanau lalo!”

Markus 10:47 Iomraidhean Croise

Matius 1:1

Pedamo aini siwulu kamaiꞌaoꞌano Yesus Kristus sampuꞌano Daud, sampuꞌano Abraham.

Matius 12:23

Kosasawindo mie tadomente, ambado, “Anoamo ini bhahaa nekonando sampuꞌano Daud?”

Matius 15:22

Ne itu nomaimo hobhine miendo Kanaan ⸤ suano miendo Yahudi⸥ meateno ne itu bhe nokei ambano, “Mobhela kanau lalo, Ompu sampuꞌano Daud, anaku hobhine nopesuakie seetani nokadee-deemo sepaliꞌa.”

Matius 2:23

Dohato we Galilea deatemo ne seꞌonu kota koneaꞌano Nasaret. Pedamo naꞌa nokoꞌulaꞌao bhoasaono Ompu nefosampendo ana-anabii mulaoꞌaono anaꞌi amaitu, “Anoa dakumonae miendo Nasaret.”

Matius 20:30

Nandoo dohodua kabunto dengkoha-ngkoha ne wiwino sala. Sadofetingke lumalono maitu Yesus, dokeimo ambado, “Ompu sampuꞌano Daud, mobhela kainsami lalo.”

Matius 21:11

Mie bhahi maitu dotobhoosi ambado, “Ainiꞌaemo anabii Yesus maiꞌaono we liwuno Nasaret, we kadieno Galilea.”

Matius 21:9

Mie bhahi maꞌinduluno bhe mangkano kundo doꞌia-iaꞌe ambado, “Hosana, sampuꞌano Daud! Notibarakati humatono weo neano Ompu. Hosana, pudhi kaitaomu Ompu Lahataꞌala te wawono wawo!”

Matius 26:71

Hato nokala se fointono kadete, nowohaemo dua bhatua hobhine sigaoꞌano. Bhatua naꞌa nopugaumo ne mie meehe-eheno ne itu ambano, “Mie aini nopobhai bhe Yesus miendo Nasaret maitu.”

Matius 9:27

Yesus nofopansuhumo kala-kalano, gahaꞌa doangkafie dohodua kabunto bhe dekei-kei ambado, “Mobhela kainsami lalo, sampuꞌano Daud!”

Markus 1:24

“O Yesus miendo Nasaret, o ae patudhumu ne insaodi ini? Mai mobinasa kainsami gahaꞌa? Apandeꞌaangko, Hintu itu mie mongkilono katuduno Lahataꞌala.”

Lukas 4:16

Yesus nohato dua we Nasaret, liwunomo ampa nobhala. Peda kaneano ne oleono Sabat nopesuamo weo lambu kasambaheaꞌa maka noehe naebasa Kitabi.

Yohanes 1:46

Ambano Natanael, “Nandoo dua gahaꞌa metaaꞌano maiꞌaono we Nasaret?” Ambano Filipus, “Mai, wohaꞌao wutomu!”

Yohanes 19:19

Pilatus notududamo dua daefopikaane kabuhi te sau salipu naꞌa. Wambano buhi naꞌa peda aini, “ Yesus miendo Nasaret, Omputo miendo Yahudi.”

Yohanes 7:41

Ambado dua sigaoꞌano, “Anoa ini Mesias Omputo Fosalamatino.” Tamaka ambado dua sigaoꞌano, “Kunaꞌemiu o Mesias namaiꞌao we Galilea gahaꞌa?

Yohanes 7:52

Ambado, “Gahaꞌa hintu ini mieno Galilea dua? Soba lengka Kitabi itu! Ne itu mandeꞌaanemo miina nandumandoo seemie anabii maiꞌaono we Galilea.”

Tula-tulando rasulu 6:14

Insaodi tafetingkee dua ambano, ‘Yesus maiꞌaono we Nasaret maitu namohansuru Lambuno Lahataꞌala ini, tubhono adhati kahunsaꞌaontoomu ne Musa nabhaliiꞌe!’ ”

Powoha 22:16

Idi Yesus, padamo atudu malaꞌekatiku ne hintimiu namohatoangkoomu kaowili aini so tombu-tombudo umati marasaeano. Idi ini tunasi bhalano omputo Daud, Kowine mentaleano.”