Markus 10:24 - Muna Southern Dialect

²⁴ Anaguhuꞌino domente dofetingke pugauno naꞌa. Tamaka Yesus nopugaumo toha ambano, “Anaꞌiku, noꞌali daanumo damesua Kafopahintaꞌano Lahataꞌala.

Markus 10:24 Iomraidhean Croise

Matius 19:25

Dofetingke peda naꞌa anaguhuꞌino domente bhe dokohedu, ambado, “Ane peda naꞌa, laꞌae dua bhahaa so sumalamatino?”

Markus 1:27

Kosasawindo mie nopuli mentendo, sampe dopofee-feena ambado, “O ae gahaꞌa inia? Seꞌise kafoinaꞌu buꞌou. Pugauno noponoꞌao kuasa. Mahingga o seetani deangka ne pahintano.”

Markus 10:23

Sapalusino aitu, Yesus nofolilimo matano maka nopugau ne anaguhuꞌino ambano, “Kaꞌali maka mie kokanandoo damesua weo Kafopahintaꞌano Lahataꞌala.”

Lukas 16:14

Kosasawiꞌae naꞌa dofetingkee dua miendo Farisi tamaka tadebheu, hampano andoa ini sanea bhatuano dhoi.

Yohanes 13:33

Anaguhuꞌiku, ingka paemo naomponaa aeate bhe hintimiu. Hintimiu umondofi kanauꞌomu. Tamaka pedamo pugauku ne miendo Yahudi, aitu apugauanemo dua ne hintimiu: paise mooliomua maiꞌomu we kakalaꞌaku.

Yohanes 21:5

Nopugaumo Yesus ne andoa ambano, “O sabhangka, mepooliomu kentaa?” Dotobhoosimo ambado, “Miina.”

Yohanes 6:60

Pada dofetingke kosasawiꞌae naꞌa, dobhahi anaguhuꞌino Yesus dopugaumo ambado, “Wamba aini nobhie datumahimae, laꞌae so mondoiꞌe?”

Galatia 4:19

Anaꞌiku kamoasiꞌaoku, ampa aitu akadee-dee toha mbaꞌinomo hintimiu, tapedamo kaleano seemie ina so koanano. Kakadee-deeku ini nalumagi, sampe feꞌilino Kristus kotu-kotuꞌu natiwoha weo dadimiu.

1 Timotius 6:17

Ne mie hangkaea we dhunia ini mefeꞌulaianda, koise nelangke diundo, koise doposahunaꞌao ne bara pata titangkaꞌaono peda kahangkaea. Tamaka mefeꞌulaianda daposahunaꞌao ne Lahataꞌala, tapa megana-ganano nofowaꞌao sabhaha kafaraluuntoomu so kaetaaꞌano namisintoomu.

1 Yohanes 2:1

Anaꞌiku, abuhiangkoomu bhahi-bhahiꞌae ini keana mehabuomu dhosa. Ampamo kaowu ane bhe mehabuno dhosa, nandoomo bhe so potunduꞌa kaita ne Lahataꞌala, Anoamo Yesus Kristus umadhilino.

1 Yohanes 4:4

Anaꞌiku! Hintimiu fehebuaꞌano Lahataꞌala, talodamoomu mpahaana-anabiino, hampano Rohino Lahataꞌala weo totono lalomiu nofoliuꞌe kuasano rohi weo totono lalondo miendo dhunia ini.

1 Yohanes 5:21

Anaꞌiku, posiꞌondoomu ne sabhaha barahala!

Powoha 3:17

Ambamiu, ‘Idi ini ahangkaea, padamo afekahangkaea wutoku, miinamo akonikaea.’ Gahaꞌaitu miina mandeꞌaanea hintimiu itu mie ngkaasi-asi, mie timobhelaꞌaono lalo, mie mokae, mobuntono bhe melembino.