Markus 10:14 - Muna Southern Dialect

¹⁴ Sanowohada peda maitu, Yesus noꞌamahakimo anaguhuꞌino bhe nopugau ambano, “Hunsaꞌanomo anaꞌi andoa itu damai se Idi! Koise eleꞌaandaomua, hampano mie medandomo andoa ini so mieno Kafopahintaꞌano Lahataꞌala.

Markus 10:14 Iomraidhean Croise

Matius 18:10

Tandaiꞌeomu, koe pisakidaa mie mohobu pedando ini, kapaꞌamo malaꞌekati dhumaganida sadhia dopowise bhe Amaku te surugaa.

Matius 18:4

Laꞌae mekapandano wutono peda anaꞌi aini, anoamo itu foliuno kabhala weo Kafopahintaꞌano Lahataꞌala.

Matius 19:14

Nopugaumo Yesus ambano, “Hunsaꞌanomo anaꞌi andoa itu damai se Idi, koise eleꞌaandaomua, kapaꞌamo mie medandomo andoa ini so mieno Kafopahintaꞌano Lahataꞌala.”

Matius 5:10

Dokodawua mpuu mie nefodee-dee hampano doangkafi kapoindalono Lahataꞌala, kapaꞌamo andoamo so mehapino Kafopahintaꞌano Lahataꞌala.

Matius 5:3

“Dokodawua mpuu mie ngkumaasi-asino masandeno ne Ompu, kapaꞌamo andoamo so mehapino Kafopahintaꞌano Lahataꞌala.

Markus 3:5

Yesus noꞌamaha poowa nofolilianda matano, tamaka nobhelaanda dua lalono hampano katuꞌano fotundo. Pada aitu nopugaumo ne kepe saꞌituini ambano, “Fonsoho limamu!” Mie aitu nofonsoho limano, gahaꞌa lasao noꞌosa.

Markus 8:33

Yesus nodoliki anaguhuꞌino maka nofeꞌala Petrus ambano, “Gampi seetani! Nefekihimu itu suano nefekihino Lahataꞌala, tamaka nefekihino manusia.”

Yohanes 3:3

Notobhoosimo Yesus ambano, “Amohatoko, kotu-kotuꞌu ane seemie pae sumuli nalumente, paise naoha Kafopahintaꞌano Lahataꞌala.”

Yohanes 3:5

Ambano Yesus, “Amohatoko, kotu-kotuꞌu ane seemie pae nalumente maiꞌao ne oe bhe Rohino Lahataꞌala, pae namesua weo Kafopahintaꞌano Lahataꞌala.

Tula-tulando rasulu 2:39

Kapaꞌamo dhandi aini so hintimiu bhe sampuꞌamiu bhe kosasawindo mie sigaoꞌano we liwu mokodoꞌoꞌano dua, ampa kabhahino so nesaliꞌino Ompu Lahataꞌalantoomu.”

Tula-tulando rasulu 3:25

Wambado ana-anabii naꞌa mbalimo kahunsaꞌao so hintimiu. Hintimiumo meꞌawano dawua weo podhandiꞌano Lahataꞌala bhe awuaꞌintoomu. Wakutuu anaꞌa Lahataꞌala nokowamba ne Abraham ambano, ‘Namaiꞌao ne sampuꞌamu, sabhaha bansano liwu te dhunia ini daeꞌawa kabarakati.’

Roma 11:16

Ane deala seendai kadhalono tarigu so roti ⸤ nembali kapopanga so Lahataꞌala⸥ , ingka suano kaowu roti seendaino itu mongkilono tamaka kosasawiꞌae nongkilo. Pedamo dua aitu, ane o pahakano sau nongkilo, ingka tantumo haꞌaꞌino nongkilo dua.

Roma 11:28

Hampano miendo Yahudi dokiido datumahima Bhihita Metaa, maka dembalimo kaewano Lahataꞌala. Aini nembalimo dawuamiu ⸤ mie suano Yahudi⸥ . Ampamo kaowu hampano padamo nopilida Lahataꞌala, miendo Yahudi sadaa-daaꞌe noasiaanda Lahataꞌala hampano ⸤ podhandino ne⸥ awuaꞌindo.

1 Korintus 14:20

Bhahitieꞌiku, koise kofekihiomu peda anaꞌi. Ne modaiꞌano membaliomu peda kaana-anaꞌi, tamaka weo fekihimiu membaliomu mie ngkolalo.

1 Korintus 7:14

Kapaꞌamo moꞌane pata marasaeano naꞌa nongkilomo hampano hobhineno, pedamo dua hobhine pata marasaeano naꞌa nongkilomo hampano moꞌaneno. Ane paise ingka o anamiu sanea anaꞌi haramu, tamaka ampa aitu anamiu ingka sanea anaꞌi mongkilo.

Efesus 4:26

Ane amahaomu, koise sampe amahamu naehabuangko dhosa. Koise hunsa-hunsa amahamu ampa nasumoo oleo,

2 Timotius 1:5

Afeꞌulai dua kaparasaeamu kumampuu-mpuuno, tapedamo dua kaparasaeando Lois, awuamu hobhine bhe Eunike inamu. Miina apoibhahaanea, kaparasaeamo medano anaꞌa dumadino dua weo totono lalomu.

2 Timotius 3:15

Feꞌulaiꞌe dua, notanda kaanaꞌimu pandeꞌaanemo Kitabi. Nomaiꞌaomo ne Kitabi aini naembali damandeꞌao kaangkaꞌano kasalamati, mangkano weo kaparasaea ne Kristus Yesus.

1 Petrus 2:2

Naetaa membaliomu toha nada anaꞌi kaneꞌo lumenteno, gaono sadhia natumiti. Nadamo anaꞌa hintimiu sadhia meꞌondofiomu so otino alusumiu, neanomo dhulu kamatangka kaparasaeamiu maka sumalamatiomu.

Powoha 14:5

Ne wiwindo miina sepaliꞌa bhe pahaa, andoa miina dakodengo-dengoa.