Markus 1:32 - Muna Southern Dialect

³² Kamaꞌoleomo dua anaꞌa, nosoo kaowu oleo, dehatoanemo mie mosakino bhe mie nepesuakino seetani weo liwu.

Markus 1:32 Iomraidhean Croise

Matius 4:24

Bhihitano Yesus ini nokolelemo ne kosekaꞌewaꞌae kadieno Siria, sampe deowaꞌianemo mie menamisino sabhaha saki, kakadee-dee bhe kadaino namisi, mie nepesuakino seetani, mate manuno bhe mokaluno. Kosasawindo naꞌa nofekaꞌosada.

Matius 8:16

Nosoo kaowu oleo, Yesus deowaꞌianemo mie nepesuakino seetani. Yesus tanopugaumo kaowu sewobha wamba, seetani andoa maitu dopuli dolimba. Anoa nofekaꞌosa dua kosasawindo mie mosakino.

Matius 8:17

Kadhadhia aini mbalimo nokoꞌulaꞌao bhoasaono Lahataꞌala nefosampeno anabii Yesaya peda aini, “Anoamo sumodano sakintoomu, wowoꞌonomo dua kadaino namisintoomu.”

Markus 1:21

Yesus bhe mie mangkafie dohatomo we liwuno Kapernaum. Sahatono oleono Sabat, Yesus lasao nopesua weo lambu kasambaheaꞌa maka nofofoinaꞌu.

Markus 1:31

Yesus nokalamo se kaodoꞌano, nointahamo limano maka nofowanue. Gahaꞌa sodono tanosipadaꞌamo. Hobhine aitu lasao netaganaanda daomaa.

Markus 3:2

Nandoo dua mie moti-motindano Yesus, bhahaꞌi kaowu mie amaitu namekaꞌosae dua ne oleono Sabat; patudhundo damoꞌalae.

Lukas 4:40

Nosoo kaowu oleo, kosasawindo miendo liwu deowaꞌianemo mie mosakino; saki nenamisindo tanofegiu. Yesus noteimo limano te wawondo seemie-seemie maka nofekaꞌosada.

Lukas 4:41

Dobhahi dua seetani dolimba domaiꞌao ne mie bhe dokei ambado, “Hintumo Anano Lahataꞌala.” Yesus noꞌeleꞌaanda sepaliꞌa damugau, mbaꞌinomo dopandeꞌaanemo putae Yesus Omputo Fosalamatino.